იცოდით რომ 20 ივლისი ტორტის საერთაშორისო დღე იყო? სინამდვილეში, ეს დღესასწაული მარტო დესერტს არ ეძღვნება, არამედ ის ემსახურება ხალხს, ქვეყნებსა და ერებს შორის მეგობრობის სიმბოლოს და ითვლება როგორც გაერთიანების ნიშანი. თავად დღესასწაული საკმაოდ ახალგაზრდაა, იგი მხოლოდ 2009 წელს დაარსდა, მიუხედავად ამისა, ტორტების დღე უკვე საკმაოდ პოპულარული გახდა სხვადასხვა ასაკობრივი ჯგუფებისა და ეროვნების ადამიანებში.
მაშინაც კი, თუ ეს დღე არ აგიღნიშნავთ და ტორტის არცერთი ნაჭერი არ მიგირთმევიათ, არ არის გვიანი. გთავაზობთ თუ როგორ მოამზადოთ წარმოუდგენლად გემრიელი შოკოლადისა და ნიგვზის ტორტი საკუთარი ხელით.
ნიგვზის ტორტი
ინგრედიენტები ცომისთვის
1 ჩ.კ. ფქვილი
150 გრ შაქარი
1 მწიკვი ლიმონის მჟავა
150 გრ ნიგოზი
4 კვერცხის ცილა
1 მწიკვი მარილი
ინგრედიენტები შიგთავსისთვის
300 მლ ნაღები (33-35%-იანი)
125 გრ შავი შოკოლადი
1 ს.კ. შაქრის პუდრა
მომზადება
პირველ რიგში კვერცხის ცილა ათქვიფეთ მარილთან და ლიმონმჟავასთან ერთად. პროცესში თანდათან დაუმატეთ შაქარი, ათქვიფეთ, რომ მიიღოთ ერთგვაროვანი კონსისტენცია.
ბერძნული ნიგოზი ჯერ მოხალეთ მშრალ ტაფაზე, შემდეგ კი დააბლენდერეთ.
შემდეგ შეურიეთ ათქვეფილ ცილას ფქვილ და კაკალი, ისე რომ მიიღოთ ერთგვაროვანი მასა.
6 წრე გამოჭერით პერგამენტისგან 18 სმ დიამეტრით, ამის შემდეგ, თითოეული წრეს უნდა წაუსვათ მცენარეული ზეთი.
თითოეულ ზეთოვან წრეზე მოათავსეთ ცომის თხელი ფენა და გააგზავნეთ წინასწარ გახურებულ ღუმელში. აცხვეთ თითოეული ნამცხვარი დაახლოებით 5-7 წუთის განმავლობაში 180 გრადუსზე. ნამცხვრები ღუმელიდან გამოვიღოთ, ცოტა გავაციოთ და გადმოვიტანოთ ნამცხვარი ქაღალდიდან.
წყლის ორთქლზე გაადნეთ 80 გრ შოკოლადი. 5 ტორტის ფენას ფუნჯის მეშვეობით წაუსვით გამდნარი შოკოლადი, მეექვსე დატოვეთ. ცოტა ხნით გააჩერეთ შოკოლადიანი ფენები, რათა შოკოლადი გაიყინოს.
ამავდროულად მოამზადეთ კრემი. ათქვიფეთ ნაღები და დაუმატეთ შაქრის პუდრი.
ცალკე თასში გადაიტანეთ 4 ს.კ. ათქვეფილი ნაღები. დარჩენილ ნაღებს კი 30 გრ გახეხილი შოკოლადი დაუმატეთ და მოურიეთ.
ტორტის თითოეულ ფენას წაუსვით ათქვეფილი ნაღებისა და შოკოლადის ნარევი, შემდეგ ერთმანეთზე დალაგებით ააწყვეთ ტორტი, ზემოდან კი უკრემო და უშოკოლადო ფენა მოათავსეთ.
ზემოდან მთელი ტორტი ათქვეფილი ნაღებით დაფარეთ და მსხვილად გახეხილი შავი შოკოლადი მოაყარეთ. მოათავსეთ ტორტი მაცივარში რამდენიმე საათით, რომ კარგად გაცივდეს.
ეს არის ყველაფერი, ნიგვზის საოცარი ტორტი მზად არის. ეს დესერტი აღაფრთოვანებს თქვენს სტუმრებს!
რეცეპტი ძალიან კარგია და გამოიყენეთ ეს შესაძლებლობა, გაუზიარეთ თქვენს მეგობრებსაც, რომ შეიტყონ ამ შესანიშნავი დესერტის შესახებ.