მარწყვი – წითელი, სურნელოვანი, სამეფო კენკრა. მისი მირთმევა დიდი სიამოვნებაა ნებისმიერი ფორმით: ჯემი, კომპოტი, დესერტი, ჩირი, მურაბა.
ზამთარში იძულებულები ვართ მივირთვათ მარწყვი მხოლოდ ქილაში შენახული. მაგრამ ჩვენ გეტყვით, თუ როგორ უნდა გაყინოთ მარწყვი, რათა შეინარჩუნოს მისი გემო და არომატი. ქუჩაში თოვლის ქარბუქი დგას და თქვენს სუფრაზე ზაფხულის ხილი გაქვთ. მაგარია არა?
როგორ გავყინოთ მარწყვი
მცირე პორციებად გარეცხეთ, რომ წყალით არ გაიჟღინთოს, 20 წუთით ქაღალდის ხელსახოცზე გაშალეთ, რომ შეშრეს.
მოაცალეთ ყუნწები და გაჭერით შუაზე.
კონტეინერში მოათავსეთ ცელოფანი, ძირზე ერთ ფენად ჩაყარეთ კენკრა, შემდეგ მოაყარეთ შაქარი ისე, რომ მარწყვი დაიფაროს და ასე ფენა-ფენა გაავსეთ კონტეინერი.
შაქარი აქ მნიშვნელოვან როლს ასრულებს. მისი დამსახურებაა, რომ მარწყვი ფერს და არომატს ინარჩუნებს და რჩება წვნიანი.
როცა დაასრულებთ მარწყვის დაშაქვრას, ცელოფანს შეუკარით პირი და კონტეინერი საყინულეში მოათავსეთ.
რამდენიმე დღის შემდეგ, ცელოფანი კონტეინერის ფორმას მიიღებს და შეგიძლიათ მის გარეშე მოათავსოთ საყინულეში.
გამოიყენეთ ეს პატარა ხრიკი და ისიამოვნეთ ზაფხულის დესერტით მთელი წლის განმავლობაში. მოამზადეთ ღვეზელები, ბლინები, რძიანი კოქტეილები წვნიანი ტკბილი მარწყვით და მიიღეთ ყველა სარგებელი ზაფხულის კენკრისგან.
თქვენ როგორ მეთოდებს იყენებთ? გაგვიზიარეთ კომენტარებში.