დედაჩემის ჩანაწერების წიგნი ვიპოვნე და ამ რეცეპტმა გული გამითბო, ბავშვობა გამახსენა.

პირველად, ვაფლის მომზადება დაიწყეს გერმანიაში, ჯერ კიდევ მე -13 საუკუნეში. მართალია, მაშინ ისინი ჩვენთვის ნაცნობი საკონდიტრო ნაწარმს ჰგავდა. დროთა განმავლობაში, დელიკატესი პოპულარობით სარგებლობდა მთელ ევროპაში და სულ სხვა სახე მიიღო.

ვაფლი ტრადიციულად ტკბილი დესერტია, თუ გაქვთ ელექტრო ვაფლის საცხობი, მთლად უკეთესი, ამ რეცეპტით გემრიელი ფირფიტების მომზადებას შესძლებთ.

თხელი ვაფლები

ინგრედიენტები

ხორბლის ფქვილი 350 გრ

კვერცხი 5 ცალი

შაქარი 200 გრ

კარაქი 250 გ

გამაფხვიერებელი 1 ჩ.კ

ვანილინი. 0.5 ჩ.კ.

მარილი გემოვნებით.

მომზადება

კვერცხი და შაქარი ათქვიფეთ კარგად, სანამ ფუმფულა მასას არ მიიღებთ.

დაამატეთ რბილი (ოთახის ტემპერატურის) კარაქი, ვანილინი, მარილი და ათქვიფეთ.

დაამატეთ ფქვილი გამაფხვიერებელი, კარგად აურიეთ. ცომი ბლინივით უნდა გამოვიდეს.

კარგად გაცხელებულ ვაფლის ტაფაზე დაასხით ერთი კოვზი ცომი ქვედა ნახევრის შუაგულში. დახურეთ, დააჭირეთ მსუბუქად. განსაზღვრეთ საცხობი დრო ვაფლის ფერის მიხედვით (ისინი უნდა იყოს ღია ყავისფერი, ოქროსფერი).

ამოიღეთ ფრთხილად ნიჩბის ან დანის საშუალებით და სწრაფად გადაახვიეთ მილისებურად.

ამ რეცეპტის მიხედვით გამომცხვარი ვაფლები თხელი, ხრაშუნა და ძალიან გემრიელია. მათი ჭამა შევსების გარეშეც კი შეიძლება. თქვენ შეგიძლიათ შეავსოთ ვაფლის რულონები შედედებული რძით, ნაყინით ან ნებისმიერი კრემით – მოხარშული, შოკოლადის, კარაქის. შეგიძლიათ რომელიმე ჯემით შეავსოთ, ყველაფერი თქვენს გემოვნებაზეა დამოკიდებული. მოამზადეთ და გემრიელად მიირთვით.