ხახვის ღვეზელი
ინგრედიენტები:
300 გრამი ფქვილი
200 გრამი კარაქი ან მარგარინი
6 ს.კ. არაჟანი (ცხიმიანობა მინიმუმ 20%-იანი)
1 ჩ.კ. სოდა, გაღვივებული ძმრის რამდენიმე წვეთით
4 მდნარი ყველი
6 საშუალო ზომის თავი ხახვი
4 კვერცხი
მწვანილი, მარილი და პილპილი გემოვნებით
მომზადება
აიღეთ ღრმა ჭურჭელი და ჩაყარეთ ფქვილი, გახეხეთ კარაქი ან მარგანინი და კარგად აზილეთ ფქვილში. კარაქი უნდა გამოიღოთ საყინულედან გახეხვის წინ, ის არ უნდა იყოს დარბილებული და დამდნარი.
ნარევს დაამატეთ არაჟანი და სოდა/ძმრით, მოაყარეთ მარილი.
მოზილეთ ცომი, ჭურჭელს გადააკარით ცელოფანი და გააჩერეთეთ მაცივარში რამდენიმე საათით, უმჯობესია, მთელი ღამით.
მოამზადეთ შიგთავსი: ხახვი დაჭერით წვრილად, ჩაყარეთ გაცხელებულ ტაფაში. გაითვალისწინეთ, ხახვი არა უნდა შეიწვას, არამედ მსუბუქად მოითუშოს, ამიტომ ტაფა დადგით ძალიან დაბალ ცეცხლზე და მუდმივად ურიეთ. ხახვს ტაფაშივე მოაყარეთ მარილი და პილპილი ან თქვენი საყვარელი ნებისმიერი სანელებელი.
გადმოწურეთ მზა ხახვი ცალკე თასში.
ხახვს დაამატეთ გახეხილი ყველი.
ათქვიფეთ კვერცხი მარილთან და მწვანილთან, მაგ. კამასთან ერთად. ორივე მასა შეურიეთ ერთმანეთს და აურიეთ კარგად.
აიღეთ საცხობი ფორმა, წაუსვით ფსკერზე და გვერდებზე მზესუმზირის ზეთი.
გამოიღეთ ცომი მაცივრიდან, ხელებით მსუბუქად დაამუშავეთ და გაყავით სამ თანაბარ ნაწილად. ცომის ერთი ნაწილი შეინახეთ ზედა ფენისთვის, ხოლო დარჩენილი ორი ნაწილი გააერთიანეთ, კარგად გააბრტყელეთ და ჩააფინეთ ფორმაში. მოათავსეთ გულსართი და დააფარეთ ზედა ფენა.
გამოცხობამდე 5 წუთით ადრე შეგიძლიათ ზემოდან წაუსვათ კვერცხი.
მოათავსეთ ნამცხვარი წინასწარ გახურებულ ღუმელში 160–170 გრადუსზე დაახლოებით 25–30 წუთის განმავლობაში. მზადყოფნა შეამოწმეთ კბილის ჩხირით.
მზა ნამცხვარი გამოიღეთ ღუმელიდან და გააცივეთ. არ იჩქაროთ გასინჯვა: რადგან ცხელის გაჭრა არ შეიძლება.
ხახვის ტორტის რეცეპტი მარტივია, ისევე როგორც მისი მომზადების პროცესი. სცადეთ და გაუზიარეთ მეგობრებსაც.