თუ გსურთ რაიმე განსაკუთრებული და თან გემრიელი, გახეხილი ღვეზელი სწორედ რომ თქვენთვისაა. მას ხუჭუჭა ნამცხვარსაც ეძახიან.
ტრადიციულად, იგი მზადდება მოცხარის ჯემით, მაგრამ გახეხილი ღვეზელი, როგორც მოგეხსენებათ, კარგად გამოვა ნებისმიერი ჯემით. მაგალითად, ჩვენს ვერსიაში, მარწყვის ჯემი გამოიყენება.
ინგრედიენტები
კვერცხი 2 ცალი.
ხორბლის ფქვილი 500 გრ
კარაქი 200 გრ
შაქარი 250 გრ
ვანილინი. 0,5 ჩ.კ.
გამაფხვიერებელი .1 ჩ.კ.
მარწყვის ჯემი 200 გრ.
მომზადება
მოამზადეთ ფხვიერი ცომი. კარაქი პატარა ქვაბში დადგით გასადნობად. გაცერით ფქვილი, დაამატეთ გამაფხვიერებელი.
გამდნარი კარაქი გადაიღეთ ღრმა ჯამში. დაამატეთ შაქარი, კვერცხი, ვანილი და კარგად აურიეთ.
თანდათან დაამატეთ ფქვილი და მოზილეთ ცომი. გაყავით ის 2 ნაწილად. ერთი ნაწილი შედგით საყინულეში 1 საათით, მეორე კი გააბრტყელეთ საჭირო ზომამდე, გადაიღეთ ცხიმწასმულ ფორმაში და წაუსვით დაახლოებით 1 სმ სისქის ჯემი.
ცომი გამოიღეთ საყინულედან და გახეხეთ მსხვილ სახეხზე. შემდეგ გახეხილი ცომი მოაყარეთ ჯემს და შედგით გამოსაცხობად 200 გრადუსამდე გახურებულ ღუმელში 25 წუთით.
მზა ნამცხვარი დაჭერით ნაჭრებად და მოაყარეთ შაქრის პუდრა. ძალიან გემრიელია და მარტივად გამოსაცხობი. შეინახეთ რეცეპტი და არ დაგავიწყდეთ გაუზიაროთ მეგობრებს.