ინგრედიენტები
ფენოვანი ცომი 500 გრ
მყარი ყველი 200 გრ
ნებისმიერი ძეხვი თქვენი გემოვნებით 200-300 გრ
2 ცალი მოხარშული ქათმის კვერცხი
1 უმი კვერცხი
მაიონეზი 3 ს/კ
სელის თესლი.
მომზადება:
დაჭერით ძეხვი, შეგიძლიათ გამოიყენოთ მოხარშული ან შებოლილი. მოათავსეთ ღრმა თასში.
გახეხეთ ყველი, მოაყარეთ დაჭრილ ძეხვს. შემდეგ დაჭერით მოხარშული კვერცხი, დაამატეთ ინგრედიენტებს და კოვზით აურიეთ ერთმანეთში.
სამუშაო მაგიდაზე გაათხელეთ ფენოვანი ცომი, შეგიძლიათ თვითონ მოამზადოთ ან გამოიყენოთ ნაყიდი, გათხელებულ ცომს წაუსვით თანაბრად მაიონეზი, ზემოდან დააყარეთ არეული ინგრედიენტები თანაბრად, ქვედა მხრიდან ცომი გადაახვიეთ რულეტივით. ყველაფერი გააკეთეთ აუჩქარებლად და ლამაზად.
დაჭერით რულეტი თანაბარ ნაჭრებად. საცხობ ფორმაზე გაშალეთ ქაღალდი და მოათავსეთ დაჭრილი რულეტი ისე, რომ მათ შორის მანძილი 3 სმ. იყოს. ზემოდან წაუსვით ათქვეფილი კვერცხის გული. სილამაზისთვის ზემოდან თითოეულს მოაყარეთ სელის თესლი.
გამოაცხეთ 200 გრადუსზე გახურებულ ღუმელში 45 წუთის განმავლობაში.