ვარდისფერი ბურახი ვარდკაჭაჭასგან
ზოგჯერ ძნელი წარმოსადგენია, რომ გემრიელი გამაგრილებელი სასმელი მიიღება სრულიად მოულოდნელი ინგრედიენტებიდან: ესენია ჭარხალი, ყავა, არყის ხის წვენი, წარმოიდგინეთ ბრინჯიც კი. მრავალ მეთოდს შორის აღმოვაჩინეთ ორიგინალური რცეპტი – ვარდკაჭაჭას ბურახი. ორიგინალურ რეცეპტს აქვს სასიამოვნო შეფერილობა, უჩვეულო არომატი და მსუბუქად ცხარეა.
ეს მართლაც ახალი სიტყვაა კლასიკური რეცეპტების კრებულში! მოხარშული ვარდკაჭაჭას ბურახი მდიდარია ვიტამინებით, ორგანული მჟავებით, მინერალებით, გვიკლავს წყურვილს ცხელ ამინდებში. ეს სასარგებლო იქნება დისბაქტერიოზის, გასტრიტის დაბალი მჟავიანობის დროს და მამაკაცებში ძალების შესუსტების დროს. რადგან ეს არის ფერმენტირებული პროდუქტი, ის შესანიშნავ გავლენას ახდენს კუჭისა და ნაწლავების მიკროფლორაზე.
შემადგენლობა
წყალი 5 ლ.
ვარდკაჭაჭა 2 ს/კ.
ციტრუსის მჟავა 1 ჩ/კ.
შაქარი 500 გრ
მშრალი საფუარი 1,5 ჩ/კ.
მომზადება
ქვაბში ჩაასხით 5 ლიტრი ცივი წყალი, დაამატეთ ყველა ინგრედიენტი გარდა მშრალი საფუარისა. აურიეთ, დადგით ცეცხლზე და მიიყვანეთ ადუღებამდე.
ადუღებისთანავე გადმოდგით ქვაბი ცეცხლიდან და 40 გრადუსამდე გააციეთ სითხე. პატარა ფინჯანში გადმოასხით ცოტა მოხარშული მასა და გახსენით საფუარი. როცა კარგად გაიხსნება და ამოფუვდება, შეურიეთ ქვაბში დანარჩენ მასას.
მოურიეთ კარგად და დააფარეთ ქვაბს თავსახური. დადგით თბილ ადგილას 3-4 საათი. როცა ზედაპირზე სითხეს ქაფი გაუჩნდება, ბურახი მზადაა. თუ ქაფი არასაკმარისი რაოდენობისაა, დააყოვნეთ ბურახი მთელი ღამით თბილ ადგილას.
ჩაასხით ბურახი ბოთლებში და გააციეთ.