თუ ერთხელ დააგემოვნებთ აღმოსავლურ ტკბილეულს, ვერასდროს დაივიწყებთ მის გემოს: ტკბილი, მრავალფეროვანი, ბევრი დანამატით. აუცილებელი არ არის მაღაზიაში მათი შეძენა, შეგიძლიათ სახლშიც მოამზადოთ.
როგორ მოვამზადოთ რახათ-ლუხუმი სახლში მხოლოდ 4 ინგრედიენტით, ჟელატინის, აგარ-აგარის, კონსერვანტების, დანამატების გარეშე – ასჯერ გემრიელია, ვიდრე მაღაზიის.
ინგრედიენტები
400 მლ ახლად გამოწურული მანდარინის წვენი
3 ს/კ. შაქარი
3 ს/კ. სახამებელი
1 ს/კ. კარაქი
ქოქოსის ფანტელი გაფორმებისთვის.
1.გამოწურეთ მანდარინის წვენი და გაფილტრეთ.
2.ჩაასხით წვენი ქვაბში, დაამატეთ სახამებელი, შაქარი, კარგად გახსენით წვენში ინგრედიენტები.
3.დადგით ქვაბი ცეცხლზე, განუწყვეტლივ ურიეთ და აადუღეთ, დაუკელით ცეცხლს და ადუღეთ სანამ სქელი ჯემის სისქის არ გახდება.
4.გადმოდგით ცეცხლიდან, დაამატეთ კარაქი და ათქვიფეთ მიქსერით.
5.ლუხუმის ფორმებს წაუსვით კარაქი, ჩაასხით მანდარინიანი ნარევი და შედგით მთელი ღამით მაცივარში.
ფრთხილად ამოიღეთ ფორმებიდან და დაჭერით. ნაჭრები ამოავლეთ ქოქოსის ფანტელში.
7.სახლში მომზადებული ნატურალური რახათ-ლუხუმი მზადაა.
ბავშვებს და ტკბილეულის მოყვარულებს ძალიან ასიამოვნებთ თუ ამ დახვეწილ დესერტს მოამზადებთ. მანდარინის წვენის ნაცვლად შეგიძლიათ ნებისმიერი წვენი გამოიყენოთ, შიგნით თხილი დაამატოთ, ქოქოსის ნაცვლად კი სეზამის მარცვლებში ამოავლოთ. ეს უგემრიელლესი ტკბილეული რაც მთავარია არ ვნებს ჯანმრთელობას და ფიგურას ზიანს არ აყენებს.