დაგჭირდებათ:
500 გრამი ნიგოზი
2 თავი ხახვი
3-4 კბილი ნიორი
დახლოებით თითო ჩ.კ ხმელი ქინძი უცხო სუნელი, ყვითელი ყვავილი,
მწარე დაფქული წითელი წიწაკა გემოვნებით
ძმარი გემოვნებით
რამდენიმე ღერი ნიახური
1 კონა ცოცხალი ქინძი
1 ცალი ბროწეული
1 კგ ბადრიჯანი და 1 თავი კომბოსტო
მომზადება
ბადრიჯანი დავჭრათ თხლად სიგრძეზე და მარილმოყრილი შევწვათ ზეთში.
კომბოსტო მოვწალოთ ადუღებულ მარილწყალში.
ნიგოზი გავატაროთ, დავამატოთ სუნელები, მარილი, ძმარი და ცალკე წვრილად დაჭრილი და მოშუშული ხახვი, დანაყული ნიორი და დაჭრილი მწვანილი, გავათხელოთ მდუღარე წყლით. უნდა იყოს სქელი მასა.
ბადრიჯანს წავუსვათ ნიგვზის მასა და სასურველ ფორმებად გადავახვიოთ. მოვაყაროთ ბროწეული.
კომბოსტოს ფოთლებს ავაჭრათ სქელი ადგილები და თითოეულ ფოთოლს წავუსვათ ნიგოზი , მოვაყაროთ ბროწეული და დავადოთ ერთმანეთს ასე წასმული ფოთლები 5 ცალი, შუაში დავადოთ მოხარშული სტაფილო სიგრძეზე გაჭრილი და გადავახვიოთ რულეტივით. გავაციოთ მაცივარში ერთი საათი მაინც და დავჭრათ ბასრი დანით.
გემრიელად მიირთვით ცხელ მჭადთან ერთად.