იმისათვის, რომ გამოვიდეს ნაზი და ჰაეროვანი, გაითვალისწინეთ ეს ორი რჩევა.

უნდა გაითვალისწინოთ ერთი რომ კეფირისა და გამაფხვიერებელის ნაზავის ცომში შერევისას, როცა ბუშტუკები ჩნდება, უმალვე ღუმელში უნდა შედგათ, და მეორე – ღუმელი პირველი 10 წუთის განმავლობაში არ უნდა გამოაღოთ. მხოლოდ ამ შემთხვევაში გამოვა ჰაეროვანი ბისკვიტი.

ინგრედიენტები

200 გრ ფქვილი

2 ს.კ. გამაფხვიერებელი

200 მლ კეფირი

100 გრ შაქარი

5 ს.კ. ზეთი

1 ჩ.კ. ვანილინი

0,5-1 ს.კ. მანანის ბურღული

მომზადება

ჩართეთ ღუმელი, დააფინეთ საცხობ ფორმაზე პერგამენტი, მოაყარეთ მანანის ბურღული – ამ შემთხვევაში ბისკვიტის გადმოღება გაგიადვილდებათ.

შეურიეთ გაცრილი ფქვილი, გამაფხვიერებელი და ვანილი.

ოთახის ტემპერატურის კეფირს დაუმატეთ ზეთი, შაქარი, მოურიეთ სანამ შაქარი არ გადნება.

შეურიეთ ორივე მასა. ფქვილში დაუმატეთ კეფირის მასა ნელ-ნელა, მუდმივად ურიეთ, სანამ ბუშტუკები არ გაჩნდება.

დაასხით საცხობ ფორმაზე ცომი. შედგით 200 გრადუსამდე გახურებულ ღუმელში 15-20 წუთის განმავლობაში. არ გამოაღოთ ღუმელი პირველი 10 წუთის განმავლობაში მაინც, სხვაგვარად, ცომი არ ამოვა.

მზა ბისკვიტს სურვილისამებრ შეგიძლიათ მოაყაროთ შაქრის პუდრი, ან მოამზადოთ ტორტი – გაჭერით ჰორიზონტალურად და წაუსვით ნებისმიერი კრემი. შეინახეთ ეს რეცეპტი და გაუზიარეთ მეგობრებს!