ღვეზელი კარტოფილით და ყველით.
შემადგენლობა
500 მლ რძე ან წყალი
1 კგ კარტოფილი
2 ხახვი
650 გ ყველი სულგუნი ან ხაჭო
2 ს/კ. მცენარეული ზეთი
50 გრ კარაქი
1 ჩ/კ. მარილი
1 ჩ/კ. შაქარი
10 გ მშრალი საფუარი
მომზადება:
თბილ რძეს დაუმატეთ მარილი, შაქარი და საფუარი.
ცოტა ხნის შემდეგ დაამატეთ ფქვილი, ზეთიანი ხელით მოზილეთ ცომი. ცომი უნდა სცილდებოდეს ჭურჭლის კედელს. ცომი გადმოიღეთ, ჭურჭელს, რომელშიც მოზილეთ, წაუსვით ძირზე და კედლებზე ზეთი, მოათავსეთ შიგ ცომი და 40 წუთით დადგით თბილ ადგილას.
დროის გასვლის შემდეგ ჩაზილეთ ცომი და ისევ დადგით გასაფუებლად.
მოხარშეთ კარტოფილი, ჩაზილეთ, დაუმატეთ გახეხილი ყველი და ხახვი, შეანელეთ მარილით და აურიეთ. გაყავით სამ ტოლ ნაწილად.
ცომიც გაყავით სამ ნაწილად.
გაათხელეთ ცომი, შუაში დადეთ გული და მოუკარით კარგად პირი.
გადმოაბრუნეთ და გაათხელეთ გასათხელებლით ან ხელის გულით. დაჩხვლიტეთ რამოდენიმე ადგილას.
გაახურეთ ღუმელი 180 გრადუსამდე და გამოაცხეთ ღვეზელი შეწითლებამდე.
ზემოდან წაუსვით კარაქი. შეაგრილეთ და მიირთვით გემრიელად!
