იოგურტის ღვეზელი
გიყვართ დესერტები, მაგრამ მაქსიმალურად ცდილობთ არ მიირთვათ სახამებლის შემცველი საკვები? მშვენიერია, ჩვენს დღევანდელ რეცეპტში საერთოდ არ არის ფქვილი ან ბურღული. ამავდროულად, იოგურტის ღვეზელი გამოდის გემრიელი, ადვილად მოსამზადებელი, საბიუჯეტო და ფუმფულა, ღრუბელივით!
ამის მიზეზი კი კვერცხის ცილისა და გულების ცალ-ცალკე ათქვეფაა. სტაბილური ქაფი იკავებს ჰაერის უმცირეს ბუშტებს. ცომში მოხვედრისას მათ არ აქვთ დრო, რომ განთავისუფლდნენ და ყალიბდება მისი ფოროვანი სტრუქტურა.
ინგრედიენტები
4 კვერცხი
400 გრ ბერძნული იოგურტი
100 გრ შაქარი
50 გრ სახამებელი
ერთი ლიმონის ცედრა
1 ჩ.კ გამაფხვიერებელი
შაქრის ფხვნილი დეკორაციისთვის
საცხობი ფორმა 20 სმ დიამეტრით
მომზადება
გამოაცალკევეთ ცილა გულებისგან. გულები და შაქარი ათქვიფეთ.
ნარევს დაუმატეთ იოგურტი, სახამებელი და ლიმონის ცედრა. აურიეთ კარგად.
კვერცხის ცილა ავთქვიფოთ მიქსერით ქაფის მიღებამდე. სხვათა შორის, ლიმონის წვენი ხელს შეუწყობს პროცესის დაჩქარებას, მოცულობის გაზრდას და ჰაეროვანი მასის სტაბილიზაციას. როგორც კი ცილა აქაფდება, დანის წვერით დაამატეთ რამდენიმე წვეთი ლიმონის წვენი ან ლიმონმჟავა.
იოგურტთან და კვერცხის გულთან ერთად ათქვიფეთ ცილაც.
ფორმას გადააფარეთ პერგამენტის ქაღალდი. ჩაასხით მასში ცომი.
გააცხელეთ ღუმელი 170 გრადუსზე. აცხვეთ ნამცხვარი 45 წუთის განმავლობაში.
ღვეზელი ზემოდან, სურვილისამებრ, შაქრის ფხვნილით დაამშვენეთ.
ესეც ასე, ჩვენი იოგურტის ღვეზელი მზად არის.
გემრიელად მიირთვით!
სხვისი არ ვიცი, მაგრამ ჩემს ოჯახს ძალიან მოეწონა ღვეზელი. ნაწილ-ნაწილ ნაჭრებად უბრალოდ დნება პირში. დაჭრას ვერ ვასწრებ.