1.7K
სკუმბრია ძალიან სასარგებლო თევზია იმ მხრივ, რომ იგი შეიცავს ომეგა 3 ს და ასევე D ვიტამინს. მაგრამ მისი სუნი, შეწვის დროს რომ დგება, ბევრს არ უყვარს . ჩვენ გთავაზობთ სკუმბრიას მომზადების ისეთ მეთოდს, რომელიც ამ პრობლემას თავიდან აგარიდებთ. ეს არის თევზის ღვინოში გამომცხვარი ვარიანტი ბოსტნეულთან ერთად.
კერძი მზადდება სწრაფად და გამოდის ძალიან გემრიელი. ის დაამშვენებს როგორც ყოველდღიურ, ასევე სადღესასწაულო სუფრას.
ინგრედიენტები
- 5 პატარა თავი ხახვი
- ორი ცალი მოზრდილი სკუმბრია
- 200 მლ თეთრი მშრალი ღვინო
- 200 გ ქამა სოკო
- 15 ცალი პომიდორი ჩერი
- 80 გ როზმარინი
- 50 მლ ზეითუნის ზეთი
- მარილი გემოვნებით
მომზადება
- სკუმბრია გარეცხე და დასერე 4ადგილას ორივე მხრიდან. კარგად დაამარილე და დასერილ ადგილებში ჩაალაგე როზმარინი.
- სკუმბრია გადაიტანე საცხობ ფორმაზე, დაასხი ღვინო და გარშემო შემოულაგე ორად დაჭრილი ხახვი. დატოვე ასე 30 წუთი. შემდეგ გადააუბრუნე და კვლავ გააგრძელე დამარინადება ნახევარი საათით.
- სკუმბრიას შემოულაგე გარეცხილი სოკო და პომიდორი ჩერი. მოაყარე მარილი და მოასხი ზეთი.
შედგი 220 გრადუსზე გაცხელებულ ღუმელში 20 წუთით, სანამ ბოსტნეული არ გამოცხვება.
ბოსტნეული შეგიძლია გამოიყენო ნებისმიერი: ბულგარული წიწაკა, სტაფილო, ყვავილოვანი კომბოსტო… გარნირად ძალიან უხდება კარტოფილი ან ბრინჯი.
გემრიელად მიირთვი და გაუზიარე რეცეპტი შენს მეგობრებსაც!