მოხარშული გოგრა ბრინჯით და ჩირებით
ერთი ჭიქა ბრინჯი გავრეცხოთ და მოვხარშოთ 2 ჭიქა მარიწყალში. როცა ნახევრად მოიხარშება, გადავწუროთ და გადავავლოთ ცივი წყალი.
ცალკე ქვაბში ჩავასხათ ნახევარი ჭიქა ადუღებული წყალი, ჩავყაროთ გაფცქვნილი ნუში, გარჩეული და გარეცხილი ქიშმიში, შავი ქლიავის და გარგარის ჩირები, შაქრის ფხვნილი, თაფლი და 15 წუთით ვხარშოთ.
ეს ყველაფერი გადმოვიღოთ და გავშალოთ სინზე, გავაციოთ და შევურიოთ ბრინჯს.
გოგრა გავჭრათ სიბრტყეზე, ამოვასუფთავოთ, მოვაყაროთ ცოტა მარილი, თუ ტკბილი არ არის, მოვაყაროთ ასევე შაქრის ფხვნილი და ბრინჯის გულსართი მოვათავსოთ შიგ.
შევდგათ ღუმელში საშუალო ცეცხლზე და გამოვაცხოთ. როცა გოგრის რბილობი დარბილდება, გამოვიღოთ ღუმელიდან. მიირთვით გემრიელად!