სუპი – ეს არის წვნიანი პირველი კერძი,რომელსაც ძირითადად სადილზე მიირთმევენ. სუპი, როგორც წესი უნდა შეიცავდეს მინიმუმ 50% წყალს. სუპი შედარებით ახალგაზრდა კერძია, რომელიც გაჩნდა 400-500 წლის წინ, მას შემდეგ რაც გამოიგონეს მყარი, უჟანგავი, ქიმიურად ნეიტრალური ჭურჭელი.
სუპი აუცილებელია ყოველდღიური რაციონისთვის. ისნოყიერია, მაგრამ მსუბუქი, ადვილად ჭეიწოვება ორგანიზმში.კარგია ავადმყოფობის შემდეგ ძალების აღსადგენად. მაგალითად, ქათმის ბულიონი შეიცავს ნივთიერებებს, რომლებიც გაციების სიმპტომებისგან გვათავისუფლებენ.
კალორია პირველ კერძში ნაკლებია, ვიდრე შემწვარში და მოშუშულში, მაგრამ კვების ღირებულება არ არის მათზე უფრო დაბალი. ეს აქტუალურია მათთვის, ვისაც წონაში დაკლება სურს.
წვნიანი ხორცით:
შემადგენლობა
2 ლიტრი წყალი
200 გ ძროხის ხორცის ფარში
100 გ სტაფილო
300 გ კარტოფილი
100 გრამი ბრინჯი
40 გ მწვანე ხახვი
მარილი, პილპილი გემოვნებით
დაფნის ფოთოლი
მწვანილი გემოვნებით
მომზადება:
ადუღებულ წყალში ჩაყარეთ გახეხილი სტაფილო და დაჭრილი კარტოფილი. ხორცისგან გააკეთეთ გუფთები, როცა კარტოფილი ნახევრად მოიხარშება, ჩაყარეთ გუფთები, ბრინჯი, დაფნის ფოთოლი, მარიი და პილპილი გემოვნებით. როცა ხორცი და ბრინჯი მოიხარშება, შეანელეთ დაჭრილი მწვანილით. გემრიელად მიირთვით!
წვნიანი ყველით:
შემადგენლობა
1.5 ლიტრი წყალი
1,5 მდნარი ყველი
1 პატარა სტაფილო
1 პატარა ხახვი
4 საშუალო კარტოფილი
მომზადება:
კარტოფილი გაფცქვენით, დაჭერით კუბიკებად, დაასხით წყალი და დადგით მოსახარშად. ზეთში მოშუშეთ გახეხილი სტაფილო და დაჭრილი ხახვი. დაამატეთ ქვაბში მოშუშული სტაფილო,დაჭრილი ყველი და ადუღეთ სანამ ყველი არ გაიშლება, შეანელეთ სურვილისამებრ და გემრიელად მიირთვით!
წვნიანი ქათმის ხორცით და ყველით
შემადგენლობა:
400 გ ქათმის ფილე
2 კარტოფილი
1 დიდი სტაფილო
180 გრ მდნარი ყველი
2 ლ ბულონი ან წყალი
მწვანილი
დაფნის ფოთოლი, სურნელოვანი პილპილი
მარილი, პილპილი გემოვნებით
მომზადება:
დაჭერით ქათმის ფილე და ზეთში მოშუშეთ, კარტოფილი დაჭერით კუბიკებად, სტაფილო თხელ და მრგალ ნაჭრებად.
წყალი ან ბულიონი აადუღეთ, ჩაყარეთ დაფნის ფოთოლი, სურნელოვანი პილპილი, ქათმის ფილე, ადუღეთ 7-10 წუთი.
დაუმატეთ ბოსტნეული და კიდევ 15 წუთი ადუღეთ. დაუმატეთ სუპს ყველი და ხარშეთ სანამ ყველი მთლიანად არ გაიხსნება.
შეანელეთ წვნიანი მწვანილით, მარილით, პილპილით და გადმოდგით ცეცხლიდან.
ბოსტნეულის წვნიანი
შემადგენლობა:
1 სტაფილო
1 ხახვი
ერთი მუჭა თეთრი კომბოსტო
1 ახალი კიტრი
3-4 პომიდორი
0.5 ბელი წიწაკა
მარილი გემოვნებით
მომზადება:
პირველ რიგში გაასუფთავეთ და დაჭერით ბოსტნეული. ქვაბში ფენა-ფენა ჩაყარეთ, დაასხით ცოტა წყალი და მოშუშეთ ნახევარი საათის განმავლობაში. შემდეგ დავასხათ საჭირო რაოდენობის მდუღარე წყალი, შევანელოთ და გადმოვდგათ ცეცხლიდან.
წვნიანი მზად არის. შეგიძლიათ დაამატოთ მწვანე ხახვი, კამა, ოხრახუში და არაჟანი, ასევე გახეხილი ნიორი და წიწაკა.
რძის სუპი ბოსტნეულით
შემადგენლობა:
1 ლ რძე
400 გრ წყალი
400 გ კარტოფილი
400 გ ყვავილოვანი კომბოსტო
100 გ სტაფილო
300 გ მწვანე ბარდა
20 გ კარაქი
მარილი გემოვნებით
მომზადება:
დაჭერით სტაფილო, კომბოსტი დააცალკევეთ, კარტოფილი დაჭერით.წყალი აადუღეთ, დაუმატეთ მარილი, ჩაყარეთ დაჭრილი ბოსტნეული. დადგით დაბალ ცეცხლზე, როცა ნახევრად მოიხარშება, დაუმატეთ ადუღებული რძე და ხარშეთ ბოლომდე. ბოლოს დაუმატეთ მწვანე ბარდა და 15 წუთის შემდეგ გადმოდგით ცეცხლიდან. თეფშებზე ზემოდან დაადეთ კარაქის პატარა ნაჭერი.