კარტოფილის ფრიკადელკები
გემრიელი საუზმეულია, რომელსაც ყოველთვის მზას, გაყინულს ვყიდულობდი და სახლში მხოლოდ ვწვავდი. ეხლა კი, სახლშიც ვცადე მომზადება – საკმაოდ მარტივი აღმოჩნდა. იმედია, თქვენც მოამზადებთ.
როცა პური ძველდება, ვხეხავ, ვაშრობ და მშვენიერი საფანელი მზად არის. სწორედ მას ვიყენებ გემრიელი მობრაწულების მოსამზადებლად.
ამ კერძისთვის გამოდგება წინა დღეს მოხარშული კარტოფილიც. ასე რომ, არაფრის გადაყრა არ მოგიწევთ და თან უგემრიელესი ფრიკადელკებითაც ისიამოვნებთ.
რეცეპტი შედგენილია იმდაგვარად, რომ მაქსიმალურად სწრაფ დროში მოამზადოთ გემრიელი კარტოფილის კერძი, თანაც ისე, რომ სულ არ დაგჭირდეთ სუპერმარკეტში დამატებით ინგრედიენტებზე ჩასვლა და სირბილი.
ინგრედიენტები
კარტოფილი 700 გრ
მწვანილი 40 გრ
კვერცხი 1 ცალი
პურის ნაჭერი 3 ცალი
მაგარი ყველი 120 გრ
ხორბლის ფქვილი 70 გრ
მარილი გემოვნებით
შავი პილპილი (დაფქული) გემოვნებით
მზესუმზირის ზეთი გემოვნებით
მომზადება
პურის ნაჭრები გახეხეთ, წვრილად დააქუცმაცეთ და ტაფაზე გააშრეთ.
თუ უკვე გაქვთ პურის საფანელი, მაშინ შეგიძლიათ ის გამოიყენოთ.
მოხარშეთ კარტოფილი და დაჭყლიტეთ ჩანგლით. დაამატეთ მარილი, პილპილი, დაჭრილი მწვანილი და აურიეთ.
აიღეთ ცოტაოდენი კარტოფილის მასა, გააბრტყელეთ იგი ხელის გულზე. მოათავსეთ ყველის პატარა კუბიკი ცენტრში და გააკეთეთ ბურთი.
შეურიეთ კვერცხი 30 მლ წყალს. თითოეული ბურთი ჯერ ამოავლეთ ფქვილში, შემდეგ კვერცხის ნარევში და ბოლოს პურის საფანელში. ბურთულები შეწვით ზეთში დაახლოებით 5 წუთი.
თქვენ შეგიძლიათ ექსპერიმენტი ჩაატაროთ მწვანილებზე, კარტოფილის ბურთულების მოსამზადებლად. მე ჩვეულებრივ სეზონურ ვარიანტს ვიყენებ. მიირღვით კერძი სხვადასხვა სოუსებით, Რომელიც მოგწონთ.