კარტოფილის ზრაზები სოკოთი
გაგიზიარებთ გასაოცარი ზრაზების ხელმისაწვდომ რეცეპტს. კარტოფილის ზრაზები სოკოთი ადვილი და სწრაფი მოსამზადებელია. გარწმუნებთ, რომ აღფრთოვანებული დარჩებით!
ინგრედიენტები
1 კგ კარტოფილი
200 გრ ხახვი
0,5 კგ სოკო შამპინიონი
200 გრ სტაფილო
ხორბლის ფქვილის 6-7 სუფრის კოვზი
მარილი და შავი პილპილი გემოვნებით
მცენარეული ზეთი შესაწვავად
მომზადება
გაასუფთავეთ კარტოფილი და სტაფილო, დაჭერით და მოხარშეთ, ბოლოს დაამატეთ მარილი.
სანამ ბოსტნეული დუღს, თქვენ უნდა მოამზადოთ გულსართი. ამისათვის ხახვი და სოკო დაჭერით კუბიკებად. ტაფაში გააცხელეთ მცენარეული ზეთი, შემდეგ შეწვით ინგრედიენტები. შეწვის პროცესში, მარილი და პილპილი მოაყარეთ.
გადაწურეთ წყალი და ამოზილეთ მოხარშული ბოსტნეული. წყალი არ უნდა შეჰყვეს, რომ ზრაზები არ დაიშალოს.
როდესაც კარტოფილის მასა გაცივდება ხელისთვის სასიამოვნო ტემპერატურაზე, დაამატეთ მას ფქვილი და მოზილეთ ცომი.
გააკეთეთ პატარა გუნდები ისე, რომ ცენტრში 1,5 ჩ. კ. გულსართი მოთავსდეს.
მოუკარით პირი და გააკეთეთ ლამაზი ღვეზელის ფორმის ზრაზები.
გამზადებული ზრაზები მოათავსეთ ფქვილმოყრილ ზედაპირზე და ზემოდანაც მოაყარეთ ფქვილი.
შეწვით მცენარეულ ზეთში 2-3 წუთის განმავლობაში თითოეულ მხარეს, სანამ ოქროსფერი არ გახდება.
თუ ჩვენი რეცეპტის მიხედვით ამზადებთ, მიიღებთ დაახლოებით 18–20 ცალს. ეს კერძი საუკეთესოა მარხვის დროს. მოამზადეთ და გემრიელად მიირთვით!