ბლინის ცომი იმდენად მრავალფეროვანია, რომ გამოცდილი დიასახლისებიც კი ცდილობენ გამოიყენონ ახალი რეცეპტი, რომელიც მათ გამოცდილებას გააუმჯობესებს.
შევარჩიეთ ბლინის ცომის სხვადასხვა რეცეპტი განსხვავებული გემოვნებით. გულსართი შეურჩიეთ თავად. სცადეთ ნებისმიერი თქვენთვის მისაღები ცომის რეცეპტი და ჩაინიშნეთ.
სქელი ბლინის ცომი
შემადგენლობა
2 ჭიქა ხორბლის ფქვილი
5 კვერცხი
2.5 ჭიქა რძე
2 ს/კ. მცენარეული ზეთი
მარილი გემოვნებით
შაქარი გემოვნებით
მომზადება
ათქვიფეთ კვერცხი, შაქარი და მარილი. დაამატეთ რძე და ფქვილი, კარგად ათქვიფეთ და ბოლოს დაამატეთ მცენარეული ზეთი.
დატოვეთ ცომი ოთახის ტემპერატურაზე 15 წუთი, კვლავ აურიეთ და გამოაცხვეთ ცხელ ტაფაში.
წყალზე მომზადებული ბლინის ცომი
შემადგენლობა
1.5 ჭიქა წყალი
1 კვერცხი
1 ს/კ. შაქარი
1 ჭიქა ფქვილი
3 ს/კ. მცენარეული ზეთი
მარილი გემოვნებით
მომზადება
ათქვიფეთ ხელის სათქვეფით ან მიქსერით ყველა ინგრედიენტი. დაასვენეთ ცომი რამდენიმე წუთით და შემდეგ ცხელ ტაფაზე გამოაცხეთ.
ბლინის ცომი რძით
შემადგენლობა
250 მლ რძე
150 გრამი ხორბლის ფქვილი
4 კვერცხი
2 ს/კ. შაქარი
2 ს/კ. მცენარეული ზეთი
მარილი გემოვნებით
მომზადება
ათქვიფეთ ყველა ინგრედიენტი.
ცომი 15-20 წუთის შემდეგ ცხელ ტაფაზე გამოაცხვეთ.
ბლინის ცომი კეფირით
შემადგენლობა
200 მლ კეფირი
1 ჭიქა ფქვილი
1 კვერცხი
1 ჩ/კ. საცხობი ფხვნილი ან სოდა
2 ს/კ. შაქარი
მარილი გემოვნებით
0.5 ჭიქა წყალი (მდუღარე)
1 ს/კ. მცენარეული ზეთი
მომზადება
აურიეთ ერთმანეთში კვერცხი, შაქარი და მარილი, დაამატეთ კეფირი, ფქვილი და გამაფხვიერებელი.
15-20 წუთის შემდეგ დაასხით მდუღარე წყალი და აურიეთ.
ბოლოს დაამატეთ ზეთი, აურიეთ და გამოაცხეთ ცხელ ტაფაზე.
ბლინის ცომი მაიონეზით
ასეთი ბლინები არ იხევა, გამოდის უფრო რბილი, ვიდრე რძით. დიდხანს ინახება მაცივარში. გულსართად უხდება ცხიმიანი თევზი და ცხიმიანი ყველი.
შემადგენლობა
0.5 ლიტრი წყალი
9 ს/კ. ხორბლის ფქვილი
2 ს/კ. მაიონეზი
2 კვერცხი
2 ს/კ. შაქარი
2 ს/კ. მცენარეული ზეთი
მარილი გემოვნებით
მომზადება
კვერცხი, შაქარი და მარილი აურიეთ.
დაამატეთ მაიონეზი და ფქვილი.
ჩაასხით თბილ წყალში არეული ზეთი და კარგად აურიეთ.
ცოტა ხნის შემდეგ გამოაცხეთ ცხელ ტაფაზე.
ბლინის ცომი მდუღარე წყლით
შემადგენლობა
4 კვერცხი
3 ს/კ. შაქარი
0.5 ჩ/კ. მარილი
600 მლ წყალი (მდუღარე წყალი)
600 მლ რძე
2 ჭიქა ხორბლის ფქვილი
0.5 ჭიქა სახამებელი
3 ს/კ. მცენარეული ზეთი
მომზადება
ათქვიფეთ კვერცხი, შაქარი და მარილი. დაასხით მდუღარე წყალი.
თქვეფის პროცესში დაამატეთ რძე, სახამებელი, ფქვილი, ზეთი.
დააყოვნეთ 15 წუთი და შემდეგ ცხელ ტაფაზე გამოაცხეთ.
ბლინის ცომი საფუარით
ბლინები გამოდის ფუმფულა და ჰაეროვანი.
შემადგენლობა
1 ჩ/კ. მშრალი საფუარი
250 გრამი ხორბლის ფქვილი
500 მლ რძე
2 კვერცხი
2 ს/კ. მცენარეული ზეთი
3 ს/კ. შაქარი
0.5 ჩ/კ. მარილი
სამზარეულო ზეთი frying
მომზადება
თბილ რძეში გახსენით საფუარი და ნახევარი შაქარი. დააყოვნეთ 15 წუთი ოთახის ტემპერატურაზე.
ათქვიფეთ კვერცხი დარჩენილ შაქართან და მარილთან ერთად, აურიეთ საფუარის მასაში. დაამატეთ პორციებით ფქვილი, ბოლოს ზეთი და კარგად აურიეთ.
20-30 წუთის შემდეგ დაიწყეთ გამოცხობა.
ბლინის ცომი გლუტეინის გარეშე
შემადგენლობა
200 გრ. ბრინჯი ან სიმინდის ფქვილი
400 მლ რძე
20 გრამი სიმინდის სახამებელი
2 კვერცხი
2 ს/კ. შაქარი
2 ს/კ. მცენარეული ზეთი
მარილი გემოვნებით
მომზადება
ათქვიფეთ კვერცხი შაქართან და მარილთან ერთად. დაამატეთ სახამებელი და ფქვილი.
მასაში ჩაასხით ზეთი და 15 წუთის შემდეგ გამოაცხეთ.
შოკოლადის ბლინები
შემადგენლობა
3 ჭიქა რძე
300 გ ფქვილი
3 კვერცხი
2 ს/კ. შაქარი
2-3 ს/კ. კაკაო
ვანილის 1 პაკეტი
3 ს/კ. მცენარეული ზეთი
მარილი გემოვნებით
მომზადება
კვერცხი ათქვიფეთ ვანილთან, შაქართან და მარილთან ერთად.
ცოტა რძეში ათქვიფეთ კაკაო ფქვილში არეული, ჩაასხით კვერცხიან მასაში და დაამატეთ დარჩენილი რძე.
ბოლოს დაამატეთ მცენარეული ზეთი და აურიეთ. დაასვენეთ ცომი რამოდენიმე წუთს და ჩვეულებრივ გამოაცხეთ ცხელ ტაფაზე.
ბლინი ვაშლით
შემადგენლობა
220 გრ ფქვილი
250 გ ბუნებრივი იოგურტი ან კეფირი
1 ჩ/კ.. საცხობი ფხვნილი
4 კვერცხი
4 ს/კ. შაქარი
2 ს/კ. მცენარეული ზეთი
1-2 ვაშლი
0.5 ჩ/კ. დარიჩინი
მომზადება
ვაშლი გაფცქვენით, დაჭერით თხელ ნაჭრებად, მოაყარეთ დარიჩინი და გააჩერეთ 15 წუთი.
მოამზადეთ ცომი. გათქვიფეთ კვერცხი და შაქარი, დაამატეთ იოგურტი ან კეფირი, ფქვილში არეული გამაფხვიერებელი, თქვიფეთ ერთგვაროვანი მასის მიღებამდე.
დარიჩინიანი ვაშლი დაამატეთ მასას, აურიეთ და გამოაცხეთ ბლინები ორივე მხრიდან.
თითოეული შემოთავაზებული რეცეპტი არის არა მხოლოდ მარტივი, არამედ გემრიელიც. გაგვიზიარეთ კომენტარებში თქვენი საყვარელი რეცეპტი. თუ მოგეწონათ ჩვენი რეცეპტები, სცადეთ თქვენც და გაუზიარეთ მეგობრებსაც!