სახლის პირობებში კონსერვირებული შედედებული რძე
იშვიათად ვხვდებით ხარისხიან შედედებულ რძეს, რომლის შემადგენლობა იმედგაცრუებას არ იწვევს. როგორც წესი, ამ დელიკატესის საუკეთესო “ნიმუშების” პოვნა მხოლოდ საბავშვო ბაღისა და სკოლის სასადილოებში შეიძლება, მაგრამ, რა თქმა უნდა, არა სუპერმარკეტების თაროებზე.
ჩვენ გთავაზობთ მართლაც საიმედო, დადასტურებულ რეცეპტს თქვენი საყვარელი დესერტისთვის.
შედედებული რძე სახლის პირობებში
შედედებული რძის იდეალური შემადგენლობა უნდა შეიცავდეს მხოლოდ ორ ინგრედიენტს: ძროხის რძე და შაქარი.
იმისათვის, რომ დრო არ დაკარგოთ მაღაზიებში მისი ძებნისთვის, შეგიძლიათ მარტივად მოამზადოთ შედ. რძე სახლში.
ინგრედიენტები
1 ლიტრი რძე (სასურველია სახლის)
500 გრ შაქარი
მომზადება
უპირველეს ყოვლისა, ჩაასხით რძე სქელძირიან ქვაბში, ჩაყარეთ შაქარი, კარგად აურიეთ და დაბალ ცეცხლზე შედგით.
თქვენ უნდა მოხარშოთ ნარევი 1.5-დან 2.5 საათამდე – ეს ყველაფერი დამოკიდებულია რძის ცხიმის შემცველობაზე და შაქრის ხარისხზე. შესაბამისად, რაც უფრო სქელია რძე, მით უფრო სწრაფად გადაიქცევა იგი შედედებულ რძედ. დესერტი მზად იქნება, როდესაც სქელი გახდება.
ასევე, არ უნდა დაგვავიწყდეს, რომ მუდმივად მოურიოთ მასას. თუ თქვენ შეიძინეთ რძე მცირე რაოდენობით ცხიმიანობით, უნდა დაამატოთ ცოტაოდენი კარაქი, მაშინ შედედებული რძის კონსისტენცია უფრო მკვრივი აღმოჩნდება.
რჩება მხოლოდ ცხელი მასის სუფთა მინის ქილებში ჩასხმა. გაგრილების შემდეგ, კონტეინერებს სახურავები დავაფაროთ და მაცივარში შევალაგოთ. მზად არის!
ახლა თქვენ იცით, როგორ უნდა გააკეთოთ, რომ თქვენს მაცივარში ყოველთვის გემრიელი, ხელნაკეთი შედედებული რძე გქონდეთ. რა თქმა უნდა, არ უნდა გამოიყენოთ ბოროტად ეს პროდუქტი, რადგან შაქარს მცირე სარგებელი მოაქვს. მაგრამ კარგი განწყობა გარანტირებულია. გემრიელად მიირთვით!