ვაშლის ტკბილი ღვეზელი, რომელიც ყველას აღაფრთოვანებს.

დიასახლისები განსხვავდებიან, მაგრამ ”კარგი დიასახლისის” ცნება ყოველთვის ასოცირდება მზარეულის უნართან. ცხობა ყველას არ შეუძლია, მაგრამ თუ ის იცი, უკვე ბევზე წინ დგახარ.

დღეს ჩვენ მოგითხრობთ, როგორ მოამზადოთ ტკბილი ღვეზელი ვაშლით, რომელიც თქვენს სადღესასწაულო სუფრაზე განსაკუთრებულ ადგილს დაიკავებს და მაღაზიაში ნაყიდ ტორტსაც კი  დაჩრდილავს.

ტკბილი ღვეზელი ვაშლით

გიზიარებთ ნამცხვრის რეცეპტს, რომელშიც გულსართი უფრო მეტია, ვიდრე ცომი. ვაშლის ნამცხვარი არა მხოლოდ ძალიან გემრიელი, არამედ ლამაზიცაა, ასე რომ თქვენ შეგიძლიათ დაუფიქრებლად მოამზადოთ სადღესასწაულო სუფრისთვის – ყველა სტუმარი გახარებული იქნება.

ინგრედიენტები შევსებისთვის

3 ვაშლი

2 ს.კ. ქიშმიში

6 ს.კ. შაქარი

5 ს.კ. კონიაკი

 

ინგრედიენტები ცომისთვის

180 გრ ფქვილი

1 ჩ.კ. ფქვილი

90 გრ კარაქი

2 გ ვანილინი

60 გრ შაქარი

ინგრედიენტები შევსებისთვის

2 კვერცხი

40 გრ შაქარი

30 გრ კარაქი

2 ს.კ. კონიაკი

მომზადება

გარეცხეთ ვაშლი, გააცალეთ კანი და ამოიღეთ გული. დაჭერით თხელ ნაჭრებად. უმჯობესია მჟავე ვაშლის გამოყენება.

მდუღარე წყლით გარეცხეთ ქიშმიში და დაუმატეთ ვაშლს, ორივე ინგრედიენტს დაასხით კონიაკი, დაუმატეთ შაქარი და აურიეთ ყველაფერი ერთმანეთში.

თავდახურულ კონტეინერში ჩაალბეთ ვაშლი კონიაკში 6 საათის განმავლობაში. როდესაც ღვეზელი გამოცხვება, ალკოჰოლის სუნს საერთოდ ვერ იგრძნობთ, სამაგიეროდ ვაშლის არომატი უფრო გამძაფრდება.

 

შეურიეთ ერთმანეთს გაცრილი ფქვილი, შაქარი და გამდნარი კარაქი. კარგად აურიეთ, რომ მიიღოთ პატარ-პატარა ბურთულები, შეგიძლიათ კომბაინი გამოიყენოთ.

22 სმ-იან საცხობ ფორმაზე დააფინეთ საცხობი ქაღალდი და მასზე ფქვილისა და კარაქის მშრალი მასა გააბრტყელეთ.

ზემოდან დაალაგეთ კონიაკიანი ვაშლი და 4 ს.კ. სიროფი მოასხით ზედაპირზე.

ღვეზელი გამოაცხვეთ 200 გრადუსზე გაცხელებულ ღუმელში ნახევარი საათის განმავლობაში.

მოამზადეთ ღვეზელის შესავსები: ათქვიფეთ კვერცხი შაქართან და კარაქთან ერთად.

გამოიღეთ ტორტი ღუმელიდან, დაასხით შემავსებელი და გაგზავნეთ გამოსაცხობად კიდევ 15 წუთის განმავლობაში.

როდესაც გემრიელი ვაშლის ღვეზელი ღუმელში გამოცხვება, დაასხით დარჩენილი ვაშლის სიროფი.

 

Loading...