ყაბაყის რულეტი ფარშით
ყაბაყისგან უამრავი გემრიელობის მომზადებაა შესაძლებელი: ოლადები, სალათები, რულეტები. თუ გსურთ, სრულად დატკბეთ ამ ბოსტნეულით, გთავაზობთ უგემრიელესი ყაბაყის რულეტის რეცეპტს.
ყაბაყის რულეტი ქათმის ფარშით – შესანიშნავია ყოველდღიურად და სადღესასწაულო სუფრაზეც, თანაც საკმაოდ მარტივად მზადდება. სცადეთ და თავად დარწმუნდით.
ინგრედიენტები
2 ც ყაბაყი
მწვანილი გემოვნებით
300 გრ ქათმის ფარში
2-3 ს.კ. ფქვილი
100 გრ მაგარი ყველი
1 ც ხახვი
მარილი, შავი პილპილი გემოვნებით
მომზადება
გარეცხეთ და გახეხეთ ყაბაყი, დაწურეთ ზედმეტი სითხისგან.
ღრმა თასში ათქვიფეთ კვერცხი მარილთან და პილპილთან ერთად. მოასხით მასა ყაბაყს, დაამატეთ დაჭრილი მწვანილი და აურიეთ.
დაუმატეთ მასას ფქვილი და კვლავ აურიეთ. დააფინეთ საცხობ ფორმაზე პერგამენტი, დაასხით ცომი. შედგით 200 გრადუსამდე გახურებულ ღუმელში 15-20 წუთით.
გაფცქვენით და დაჭერით ხახვი, შეწვით მცირე რაოდენობით მზესუმზირის ზეთში, სანამ გამჭვირვალე გახდება, დაუმატეთ დაფქვილი ქათამი. მუდმივად აურიეთ ინგრედიენტები, დაბოლოს, მოაყარეთ მარილი და პილპილი.
გადაიტანეთ ფარში ღრმა თეფშზე, დაუმატეთ გახეხილი ყველი. მოათავსეთ გამომცხვარი ყაბაყი ხელსახოცზე, გადატანეთ ფარში გამომცხვარი ფირფიტის ზედაპირზე თანაბრად, დაახვიეთ რულეტი.
შემოახვიეთ იგივე პერგამენტი რულეტს და შედგით კვლავ ღუმელში 10 წუთით, რომ ყველი გადნეს.
მზა რულეტი შეგიძლიათ მიირთვათ როგორც ცხელი, ისე ცივი. დაჭერით ის მცირე ულუფებად და ისიამოვნეთ არომატის მშვენიერი კომბინაციით. თქვენ უბრალოდ უნდა დააგემოვნოთ ეს შედევრი. თუ უფრო მსუბუქი კერძი გსურთ, შეგიძლიათ გამოიყენოთ სოკო ხორცის ნაცვლად და არ დაგავიწყდეთ რეცეპტის გაგზავნა თქვენს მეგობრებთან, რომლებსაც ყაბაყი უყვართ!