მარტივად შეგიძლიათ მოამზადოთ ევროპული დონის დელიკატესი. ძროხის ენა საოჯახო ვახშმისთვისაც და სადღესასწაულო სუფრისთვისაც კარგი იდეაა.
ღორის ან საქონლის ენა, ერთის მხრივ, ჩვეულებრივი სუბპროდუქტია, მეორეს მხრივ კი – დელიკატესი. მისგან მსოფლიოში უამრავ კერძს ამზადებენ. ენის შეწვა და დამარინადებაც არის შესაძლებელი. რესტორნის დონის კერძები გამოდის.
ენის სალათი მაიონეზის გარეშე
ინგრედიენტები
ძროხის ენა 300 გ
სტაფილო 1 ცალი
კიტრი 1 ცალი
ხახვი. 0,5 თავი.
ისპანახი 50 გრ
სოიოს სოუსი 2 ს.კ.
ზეითუნის ზეთი 2 ს.კ.
შავი პილპილი, მარილი გემოვნებით
მომზადება
ყველაზე მთავარი ენის მომზადებაში არის – მისი მოხარშვა. ენის მოხარშვის დრო: ხბოს ენის მოხარშვის დრო – 1-1,5 საათი; ძროხის ანის მოხარშვის დრო – 2,5-3 საათი; ღორის ენის მოხარშვის დრო – 2-2,5 საათი; გავრეცხოთ ენა, ჩავდოთ ქვაბში და დავასხათ ცივი წყალი. დავდგათ ცეცხლზე და ავადუღოთ. როცა დაიწყებს დუღილს მოვაშოროთ ქაფი. ადუღების შემდე განვაგრძოთ ენის მოხარშვა დაბალ ცეცხლზე 1 საათი. ამის შემდეგ ჩავყაროთ ქვაბში 1 თავი ხახვი, სტაფილო, ოხრახუში და გავაგრძელოთ ხარშვა 45 წუთის განმავლობაში. დავამატოთ მარილი, დაფნის ფოთოლი და წიწაკა. ვხარშოთ კიდევ 15-20 წუთი. თუ ენა მზად არ იქნება, ეს შეგვიძლია მოვსინჯოთ ჩანგლით, მაშინ ვხარშოთ კიდევ 20 წუთი. ამოვიღოთ ენა და ჩავდოთ ცივ წყალში. გავაჩეროთ 2 წუთი და მაშინათვე მოვაცალოთ კანი. კანი ადვილად ცილდება. ამის შემდეგ გავაციოთ ენა და დავჭრათ ნაჭრებად.
ამავდროულად, გაასუფთავეთ სტაფილო, კიტრი და დაჭერით ზოლებად. ხახვი გაასუფთავეთ, დაჭერით თხელ ნახევარრგოლებად.
შეგიძლიათ ხახვი ძმრის მარინადში გააჩეროთ დაახლოებით 15 წუთის განმავლობაში, მაგრამ ეს არ არის აუცილებელი, რადგან სოიოს სოუსს ვიყენებთ. გაციებული ენა ასევე დაჭერით ზოლებად.
ძროხის ენა და ბოსტნეული ერთმანეთს შეურიეთ, დაასხით სოიოს სოუსი, ზეითუნის ზეთი. მარილი და პილპილი გემოვნებით. ნაზად, მაგრამ საფუძვლიანად ურიეთ ინგრედიენტები.
დატოვეთ სალათი მაცივარში ნახევარი საათის განმავლობაში, სანამ მიირთმევთ. შემდეგ კერძი მოათავსეთ ისპანახით გაფორმებულ თეფშზე და მიიტანეთ სუფრასთან.
ასეთი ახალი და პიკანტური საჭმელი მოეწონებათ როგორც მოზრდილებს, ისე პატარებს. მოგწონთ მოხარშული ენა? თქვენ რა კერძებს ამზადებთ ამ პროდუქტით?