ფენოვანი ცომის გაადვილებული წესით მომზადება-ჩაინიშნეთ ეს რეცეპტი და თქვენ აღარასოდეს მოგიწევთ ფენოვანი ცომის ყიდვა.

ფენოვანი ხაჭაპური

 

მასალად საჭიროა:

პურის ფქვილი 700 გრამი

კარაქი ან მარგარინი 400 გრამი

ლიმონის წვენი ან ძმარ 2 ს/კ

მარილი 1/2 ჩ/კ

მომზადება

600 გრამი გაცრილი ფქვილი გავყოთ შუაზე: ერთი ნახევარი, ე.ი. 300 გრამი მოვზილოთ 400 გრამ კარაქში ან მარგარინში. გავათხელოთ ერთი თითის სისქეზე. დავდოთ თეფშზე და გავიტანოთ სიცივეში.

ფქვილის მეორე ნახევარი მოვზილოთ 3/4 ჭიქა ნელ-თბილ, მარილიან წყალში, რომელშიც ჩასხმულია ძმარი ან ლიმონის წვენი. კარგად მოზელილი რბილი ცომი დავდოთ თბილ ადგილას 30-40 წუთით. შემდეგ გავათხელოთ ფქვილმოყრილ მაგიდაზე ისე, რომ ის კარაქში მოზელილ ცომზე ორჯერ უფრო დიდი იყოს. ცხიმოვანი ცომი დავადოთ წყალში მოზელილ ცომს, ორივე მხარეს შემოვუკეცოთ გვერდები კონვერტივით ისე, რომ ცხიმოვანი ცომი რბილი ცომის შიგნით მოექცეს.

გავათხელოთ შეკრული ცომი 25-30 სმ-ის სიგრძე-სიგანეზე და 1 სანტიმეტრის სისქეზე. გათხელებული ცომი გავიტანოთ სიცივეში ნახევარი საათით. შემდეგ დავკეცოთ ოთხად, ისევ გავათხელოთ და გავიტანოთ სიცივეში, ასე გავიმეოროთ მესამეჯერაც. ამ ცომისგან შეგვიძლია გამოვაცხოთ სხვადასხვა სახის ნამცხვრები, ხაჭაპური, პიცა და მრავალი სახის ღვეზელი.