ცხიმში შეწვა საჭირო არ არის. მზადდება ფქვილის, პურის, ბურღულის გარეშე. ფორმას კი ერთი ინგრედიენტის წყალობით ინარჩუნებს.

კოტლეტი მეორე თავი კერძია და ყველას ძალიან უყვარს. თუ თქვენ გასუქების გეშინიათ და ხშირად ვერ მიირთმევთ მისი შემადგენლობის გამო, ეს რეცეპტი სწორედ თქვენთვისაა. ის მზადდება ფქვილის, პურის, ბურღულის გარეშე. კოტლეტებს ფორმა რომ შეუნარჩუნოთ, გამოიყენეთ ხაჭო, რომელიც გემრიელი და დაბალკალორიულია. ამ რეცეპტით გამოდის 12 ცალი კოტლეტი.

კოტლეტები კომბოსტოს ფარშით

შემადგენლობა

ქათმის ფარში 600 გ

თეთრი კომბოსტო 200 გ

ხაჭო 80 გრ

კვერცხი 1 ცალი.

კამა 0.5 კონა.

ნივრის ფხვნილი 0,5 ჩ/კ.

ხმელი სუნელი 0.5 ჩ/კ

მარილი, შავი პილპილი  (დაფქვილი) გემოვნებით.

მომზადება

გაატარეთ ქათმის ფილე ხორცსაკეპში, დაამატეთ ხმელი სუნელი, მარილი, პილპილი, ნიორი.

 

გარეცხეთ და გააშრეთ კომბოსტო. დაჭერით წვრილ ნაჭრებად ან გახეხეთ. კვერცხში აურიეთ ხაჭო და დაამატეთ ფარშს.

 

ფარშს აურიეთ წვრიად დაჭრილი კამა და კომბოსტო. ყველაფერი კარგად აურიეთ ერთმანეთში.

 

სველი ხელით გააკეთეთ პატარა ზომის გუნდები და დაალაგეთ საცხობ ფორმაზე.

 

შედგით ღუმელში 30 წითით 180 გრადუს ტემპერატურაზე.

თუ გსურთ უფრო წვნიანი და ნოყიერი გამოვიდეს, გამოიყენეთ არა ქათმის ფილე, არამედ სხვა ცხიმიანი ნაჭრები კანის გარეშე. ისიამოვნეთ პროცესით და შედეგით. გაუზიარეთ მეგობრებს რეცეპტი, დარწმუნებული ვარ მათაც მოეწონებათ.