“შტრუდელი”- მარტივი, გემრიელი და დიეტური რეცეპტი.

შტრუდელი როგორც ვიცით წარმოიშვა ავსტრიაში. მსოფლიოში ცნობილი რეცეპტი არის თხელ ცომში გადახვეული გულსართი. სხვათა შორის ტრადიციული შტრუდელის რეცეპტში ცომი უნდა გათხელდეს ისე, რომ როგორც ავსტრიელი მზარეულები ამბობენ: ” შეძლოთ გაზეთის წაკითხვა. ” წარმოიდგინეთ რა დრო დასჭირდება:ცომი უნდა მოზილოთ, გაათხელოთ, გაათხელოთ და თქვენ კი ძალიან გინდათ მალე მიირთვათ შტრუდელი…

შემოგთავაზებთ არასტანდარტულ რეცეპტს ვაშლის შტრუდელის, რომელიც არ ჩამოუვარდება ორიგინალს.

გვჭირდება თხელი ცომი? გამოიყენეთ ლავაში, ეს იქნება ყველაზე მარტივი და დიეტური შტრუდელი.

შტრუდელი

დაგჭირდებათ:                                 

ლავაში 1 ცალი

ქიშმიში 50 გრ.

დარიჩინი 1 ჩ/კ

ვაშლი 3 ცალი

ჭვავის ქატო 30 გრ.

იოგურტი 60 მლ.

მომზადება:

ქიშმიში დაალბეთ თბილ წყალში 30 წუთით. ვაშლი გაფცქვენით და დაჭერით კუბიკებად.

აურიეთ ერთმანეთში ვაშლი, ქიშმიში, ქატო და დარიჩინი.

გაშალეთ ლავაში, გადაუსვით იოგურტი და  მოაყარეთ ვაშლის გულსართი, გადაახვიეთ რულეტივით, გვერდები შეუკეცეთ შიგნით. გარედანაც წაუსვით იოგურტი და მოაყარეთ დარიჩინი.

გამოაცხეთ 20 წუთის განმავლობაში, სანამ ყავისფერს არ მიიღებს.

გულსართში შეგიძლიათ გამოიყენოთ ალუბალი, გარგარი, ნიგოზი, ჩირი და თევზიც კი.

მოამზადეთ ერთხელ და თქვენ ხშირად გამოიყენებთ  მარტივად მომზადების ხერხს სამზარეულოში.