როდესაც გსურთ სტუმრები გემრიელი დესერტით გააოცოთ, მაგრამ დრო ან სურვილი არ გაქვთ ღუმელთან დროის გატარების, საუკეთესო არჩევანია ტორტი ცხობის გარეშე.
სეზონის მიხედვით შეცვალეთ ხილის და კენკრის ვარიანტები და მერწმუნეთ, ყოველთვის მოახერხებთ სტუმრების აღფრთოვანებას.
ჟელეს ტორტისთვის დაგჭირდებათ პატარა ზომის ბისკვიტი ან ორცხობილას ნამცხვარი.
რჩევის მიზნით გეტყვით, რომ ბისკვიტით უფრო ჰაეროვანი გამოდის.
ინგრედიენტები
500 გრ არაჟანი
300 გ ხილი ან კენკრა (ორივე შესაძლებელია)
200 გ ბისკვიტი ან ორცხობილა
200 გ შაქარი
30 გ ჟელატინი
ჩაალბეთ ჟელატინი ნახევარ ჭიქა ცივ წყალში 30 წუთი.
შემდეგ დადგით ორთქლის აბაზანაზე და ურიეთ, რომ კარგად გაიხსნას.
ათქვიფეთ არაჟანი და შაქარი, დაასხით ჟელატინი.
სასურველ ფორმაში გაშალეთ ცელოფანი.
ხილი დაჭერით პატარა ნაჭრებად. ბისკვიტი ან პეჩენია დაამტვრიეთ ნაჭრებად.
ფორმაში ცაყარეთ ხილი და ბისკვიტის ნაჭრები, ზემოდან დაასხით არაჟნიანი მასა, გადააფარეთ ცელოფანი და შედგით მაცივარში 2-3 საათით.
მაცივრიდან გამოღების შემდეგ ტორტი გადაბრუნებული გადაიტანეთ ლამაზ თეფშზე. მოხსენით ცელოფანი.
