2.7K
უსაფრთხო, იაფი კონსტრუქცია, რომელიც შეგიძლიათ მოათავსოთ ეზოშიც და შენობაშიც.
დაგჭირდებათ:
1,5 ლიტრიანი პლასტმასის ბოთლი
1 ჭიქა თბილი წყალი
2 ს/კ. შაქარი
1 ჩ/კ. საფუარი
მუქი მატერია, გაზეთი ან პერგამენტის ქაღალდი.
ბოთლი გადაჭერით ისე, რომ ზედა ნაწილი 1/3 იყოს. ქვედა ნაწილში ჩაასხით თბილი წყალი, ჩაყარეთ შაქარი და გახსენით, დაამატეთ საფუარი.
ზემოდან დააფარეთ მოჭრილი ნაწილი უკუღმა, რომ არ ჩავარდეს, ერთმანეთს მიამაგრეთ სკოჩით ან წებოთი.
გარედან ბოთლს შემოახვიეთ გაზეთი ან მატერია და დადგით ისე, რომ ორპირი ნიავი არ უბერავდეს.
ეს ნარევი ეფექტურია მანამ, სანამ დუღილის პროცესი მიმდინარეობს, ეს დამოკიდებულია ტემპერატურაზე, სადაც ის არის მოთავსებული.
ამ პრინციპით შეგიძლიათ გააკეთოთ თბილი წყლით და მურაბით, რომელიც კარგად იჭერს ბუზებს, კრაზანებს და სხვა მწერებს.
