რიაჟენკას დესერტი
რიაჟენკა, ცოტა არაჟანი, ჟელატინი, ვანილი, დარიჩინი…მივიღებთ დესერტს, რომელიც გემოთი ჰგავს ნაყინი კრემ-ბრიულეს. დესერტი მჟავე რძის პროდუქტებისგან ძალიან ნაზი და ჰაეროვანი გამოდის, როგორც სუფლე.
ამ რეცეპტით მომზადებული სუფლე ძალიან უხდება ტორტის ბისკვიტს. შეგიძლიათ შემადგენლობა უცვლელი დატოვოთ ან დაამატოთ კაკაო, ყავა ან კენკრის პიურე. რიაჟენკა გამოიყენეთ 4 %-იანი, არაჟანი-20%-იანი, შაქარი შეგიძლიათ დააკლოთ ან შეცვალოთ თაფლით.
შემადგენლობა
რიაჟენკა 500 მლ
არაჟანი 3 ს/კ.
ჟელატინი 1 ს/კ.
წყალი 100 მლ
შაქარი 120 გ
ვანილინი, დარიჩინი გემოვნებით
მომზადება
ჟელატინს დაასხით ცხელი წყალი და დაელოდეთ სანამ გაფუვდება და გაცივდება.
ათქვიფეთ მიქსერით რიაჟენკა, შაქარი და არაჟანი.
თქვეფის პროცესში თანდათან ჩაასხით გახსნილი ჟელატინი და თქვიფეთ 5 წუთი.
მიღებული სუფლე ჩაასხით ფორმებში და მოათავსეთ მაცივარში გასაციებლად.
სურვილისამებრ შეგიძლიათ დესერტი გააფორმოთ კაკაოთი, კენკრით ან ბანანის ნაჭრებით.
სხვათა შორის, დელიკატესი არა მარტო სიამოვნებას ანიჭებს, არამედ ის სასარგებლოც არის. რძის პროდუქტებს დადებითი ეფექტი აქვს მონელების მხრივ, ჟელატინი ძალიან სასარგებლოა სისხლძარღვების, ხრტილების, თმებისა და ფრჩხილებისათვის.