ყველასთვის ცნობილია, რომ ომლეტის სამშობლო საფრანგეთია, მაგრამ კვერცხს ამზადებდნენ ჯერ კიდევ უძველეს რომში, მათ უყვარდათ კვერცხი რძესთან და თაფლთან ერთად. როცა თაფლი ბოლომდე გაიხსნებოდა, აცხობდნენ და წვავდნენ ომლეტებს. ყველაზე თანამედროვე ომლეტის ვარიანტი საფრანგეთში დაიბადა.
ნამდვილი ფრანგული ომლეტის მომზადება მკაცრად არის გათვლილი. კვერცხი აუცილებლად ჩანგლით უნდა აითქვიფოს, უნდა გამოცხვეს კარაქში სქელძირიან ტაფაზე და არანაირი დანამატი. ეს არის ნამდვილი ფრანგული ომლეტი. მაგრამ ჩვენ არ ვართ ფრანგები და შეგვიძლია გამოვიყენოთ მიქსერი და ჩვენი საყვარელი სანელებლები, გამოვაცხოთ ნებისმიერ ტაფაზე, რომელიც გვაქვს სახლში. თუ მზად ხართ ტრადიციები შეცვალოთ და არ დასჯერდეთ მხოლოდ ათქვეფილ კვერცხს, მაშინ მიჰყევით რეცეპტს და მოამზადეთ უგემრიელესი ომლეტი.
როგორც ბავშვობაში
ვარდისფერი ქერქი და ჰაეროვანი გულსართი – ორი ძირითადი მახასიათებელი, რომელთანაც ომლეტი ასოცირდება, რაც ერთხელ ჩვენთვის მოუმზადებიათ საბავშვო ბაღში. მიუხედავად იმისა, რომ ის დღეები წარსულში დარჩა, ყველას შეუძლია სახლში ასეთი ომლეტის მომზადება საუზმეზე.
შემადგენლობა:
4 კვერცხი
150 მლ რძე
20 გ კარაქი
1 ჩ/კ. მცენარეული ზეთი
0.5 ჩ/კ. მარილი
როგორც ჩანს ჩვეულებრივი ინგრედიენტებია. ეს მართალია, მაგრამ საიდუმლო მთლიანად სხვა მდგომარეობაშია: კვერცხები არ უნდა აითქვიფოს, უბრალოდ აურიეთ ისინი. შემდეგ დაამატე რძე და მარილი, კიდევ ერთხელ აურიეთ. საცხობ ფორმას წაუსვით ცხიმი, დაასხით შერეული მასა და გაგზავნეთ ღუმელში 20 წუთის განმავლობაში 250 ° C. როცა შევარდისფერდება, გამოიღეთ და დაასხით თავზე კარაქი.
ლორით და ყველით
მას სხვანაირად უწოდებენ “კალზონის”. ფორმით ჰგავს ჩებურეკს, ბევრს წვნიანობის გამო უყვარს.
შემადგენლობა:
2 კვერცხი
2-3 ს/კ. რძე
1-2 ს/კ. ხორბლის ფქვილი
75-100 გრ მყარი ყველი
ცოტა მარილი
15 გ მცენარეული ზეთი
ლორი 50-75 გრ
მწვანილი გემოვნებით
მომზადება:
აადუღეთ რძე, ათქვიფეთ კვერცხი მარილთან ერთად, აურიეთ მასში ფქვილი და რამოდენიმე წუთს გააჩერეთ. დაჭერით ლორი, გახეხეთ ყველი. ცხიმიან ტაფაში ჩაასხით კვერცხიანი მასა და გამოაცხეთ. გადმოაბრუნეთ და ზემოდან მოაყარეთ ყველი და ლორი, შეწვით სანამ ოქროსფერს არ მიიღებს. გადმოდგით ცეცხლიდან და ზემოდან მოაყარეთ დაჭრილი მწვანილი.
ომლეტი კარტოფილით
ინგრედიენტების ასეთი უჩვეულო კომბინაცია ძალიან უყვართ ესპანეთში. მრავალფეროვნებისთვის შეგიძლიათ თქვენც მოამზადოთ.
შემადგენლობა
4 კარტოფილი
4 კვერცხი
ზეითუნის ზეთი
1 ხახვი
მარილი გემოვნებით
მომზადება
კარტოფილი გაფცქვენით, დაჭერით თხელ წრეებად. ხახვი დაჭერით ასევე თხელ რგოლებად. კარტოფილი როცა შეეშრება, ხახვთან ერთად შეწვით ტაფაში, რომელშიც ბოსტნეულს ცხიმი მთლიანად დაფარავს. როცა შეიწვება, ზედმეტი ცხიმი გადაწურეთ.
ათქვიფეთ კვერცხი და დაამატეთ შემწვარი ბოსტნეული, აურიეთ, ჩაასხით ტაფაში და გამოაცხეთ ორივე მხარეს.
ომლეტი მანანით
ეს ორიგინალური ტკბილი ომლეტი ძალიან უყვართ ბავშვებს. არც უფროსები არიან გამონაკლისები. აი რაც გვჭირდება მოსამზადებლად.
შემადგენლობა
2 კვერცხი
100 მლ რძე
1 ს/კ. მანი
0.5 ს/კ. შაქარი
25 გრ კარაქი
მომზადება
უბრალოდ აურიეთ კვერცხი, არ ათქვიფოთ, დაამატეთ რძე, შაქარი და აურიეთ კიდევ. დაამატეთ მანი და ათქვიფეთ მიქსერით. ტაფაზე როცა კარაქი გადნება, ჩაასხით მასა, დააფარეთ სახურავი და 10 წუთში ომლეტი მზადაა. გლუვ ზედაპირზე მიხვდებით, რომ უკვე მზად იქნება.
პომიდვრით და ლორით
შემადგენლობა
4 კვერცხი
2 ს/კ. რძე
ლორი 70-100 გრ
1 პომიდორი
მარილი, პილპილი გემოვნებით
1-2 ს/კ. მცენარეული ზეთი
მომზადება
ათქვიფეთ კვერცხი მიქსერით, დაამატეთ პილპილი და მარილი. პომიდორი და ლორი დაჭერით კუბიკებად. კვერცხის 2/3 ჩაასხით ზეთიან ტაფაზე, როცა ზედაპირი შეშრება, მოაყარეთ პომიდორი და ლორი, გადაახვიეთ მილისებურად და დარჩენილი კვერცხი მოასხით. შეწვით ორივე მხარეს.
ზღვის პროდუქტებით
ეს არ არის საკმაოდ ჩვეულებრივი ვარიანტი, ან უკეთესად რომ ვთქვათ, სრულიად უჩვეულოც კი არის.
შემადგენლობა
2 კვერცხი
1 ბულგარული წიწაკა
30-50 მლ რძე
50 გ კალმარები
1-2 მწკრივი მარილი
25 გ კრევეტები
25 გრ მოლუსკები
1 ს/კ. მცენარეული ზეთი
1 კბილი ნიორი
ოხრახუში გემოვნებით
მომზადება
შეათბეთ კრევეტები, მოლუსკები, დაჭერით კალმარები. გაასუფთავეთ და დაჭერით წიწაკა და ნიორი. როცა ზეთი გაცხელდება, ყველაფერი შეწვით 2 წუთის განმავლობაში. გადაიტანეთ ყველაფერი თასში.
კვერცხი რძესთან და მარილთან ერთად ათქვიფეთ, დაასხით ცხელ ტაფაზე, როცა ომლეტი მზად იქნება, ზემოდან დააყარეთ ზღვის პროდუქტები, გადმოკეცეთ ერთი გვერდი და დააფარეთ მეორეს, გადმოდგით ცეცხლიდან და 2 წუთში მიირთვით.
მჟავე კიტრით და ძეხვით
არატრადიციული, პიკანტური და ძალიან გემრიელი ომლეტია.
შემადგენლობა
4 კვერცხი
1.5 ჭიქა რძე
2 მჟავე კიტრი
450 გ ძეხვი
სანელებლები და მწვანილი გემოვნებით
მომზადება
აურიეთ კვერცხი, რძე და მარილი. დაჭერით კიტრი და ძეხვი. დაჭრილი პროდუქტები აურიეთ კვერცხიან მასაში და აურიეთ, წვრილად დაჭერით მწვანილი, დაამატეთ ის მასაში ნებისმიერ სანელებლებთან ერთად. ყველაფერი აურიეთ და ჩაასხით ცხიმიან ტაფაზე. შეწვით ორივე მხარეს.