არც ისე ხშირად ვაწყდებით რეცეპტს კვერცხის გარეშე, მაგრამ თუ გეტყვით, რომ შესაძლებელია ნამცხვარი კარაქისა და რძის გარეშეც მომზადდეს, ნამდვილად გაოცდებით. ცომი ისეთი მარტივია, მაგრამ შეიცავს საჭირო ინგრედიენტებს და გემოც არაჩვეულებრივი აქვს.
შემადგენლობა
წყალი 250 გრ
შაქარი 200 გ
თაფლი 2 ს/კ.
მზესუმზირის ზეთი 125 გ
ხორბლის ფქვილი 240 გ
კაკაოს ფხვნილი 2 ს/კ.
საცხობი ფხვნილი 1 ჩ/კ.
დარიჩინი 1 ჩ/კ.
ქიშმიში 100 გრ
ბერძნული ნიგოზი 100 გრ
მომზადება
შეურიეთ წყალი, შაქარი, თაფლი, მცენარეული ზეთი, დადგით ნარევი ცეცხლზე სანამ შაქარი არ გადნება.
შეურიეთ ფქვილი, კაკაო, საცხობი ფხვნილი და დარიჩინი თასში. ჩაასხით შაქრის ნარევი და აურიეთ კარგად. მას შემდეგ, რაც მასა გახდება ერთგვაროვანი, დაამატეთ კაკალი, ქიშმიში და ავურიოთ კიდევ ერთხელ.
ცომი გაშალეთ ცხიმწასმულ საცხობ ფორმაზე და 200 გრადუსზე გახურებულ ღუმელში გამოაცხვეთ 35 წუთის განმავლობაში.
ახლა უკვე იცით, რომ ძირითადი კალორიული პროდუქტების გარეშეც შეგიძლიათ მიიღოთ გემრიელი ნამცხვარი. ექსპერიმენტს თუ ჩაატარებთ და დაამატებთ სხვადასხვა ხმელ ხილს, უფრო დელიკატური გემოს ნამცხვარი გამოვა. შეგიძლიათ შაქარიც თაფლით შეცვალოთ. ასეთი ფირფიტებით აწყობენ უგემრიელეს ტორტს გახეხილი კენკრით. რაც მთავარია შეგიძლიათ გაინებივროთ თავი ნებისმიერ დროს და არ შეგეშინდებათ წონის მომატების.