ასე მომზადებულ სალას შებოლილისგან ვერ განასხვავებთ.

სალა უკრაინული სამზარეულოს ერთ-ერთი მნიშვნელოვანი კერძია. მისი მომზადების  უამრავი რეცეპტი და ტრადიცია არსებობს – სალა დამარილებული, მოხარშული, შებოლილი, დაქუცმაცებული.

გასწავლით, როგორ გამოიყვანოთ სალა შებოლვის გარეშე.

მოამზადეთ სალა ცხელ მარილწყალში და ისიამოვნეთ უგემრიელესი დელიკატესით. დაუმატეთ ცოტაოდენი საყვარელი სანელებლები, რათა სალა უფრო არომატული და გემრიელი გამოვიდეს.

ასეთი სალა შეიძლება მიირთვათ სხვა კერძებთანაც და ცალკეც. მშვენიერი კერძია ყოველდღიური და სადღესასწაულო სუფრისთვის.

შემადგენლობა:

1 კგ ხორცის ფენიანი სალა კანთან ერთად

2 თავი ნიორი

3 ს/კ. შავი პილპილი;

მარინადისთვის:

2 თავი ხახვი,

5 ცალი შავი ქლიავი,

2 დაფნის ფოთოლი,

200 გრამი მარილი

2 ს/კ. შაქარი

მომზადება:

მარინადისთვის განკუთვნილი ყველა ინგრედიენტი მოათავსეთ ქვაბში და დაასხით 1 ლიტრი წყალი და წამოადუღეთ.

სალის ნაჭერი კარგად გარეცხეთ, გაყავით ორ ნაწილად, ჩადეთ მარინადში და 25 წუთით ადუღეთ საშუალო ცეცხლზე.

გადმოდგით ცეცხლიდან და მთელი ღამით დატოვეთ მარინადში.

გაჭყლეტილი ნიორი აურიეთ წიწაკაში. სალა ამოიღეთ წყლიდან, დაწურეთ, როცა შეშრება, წაუსვით ნივრიანი მასა.

სალის ნაჭრები გადაახვიეთ ფოლგაში და ერთი კვირით შეინახეთ მაცივარში. თუ დიდი ხნით გსურთ შენახვა, მოათავსეთ საყინულეში.

გემრიელად მიირთვით!