როგორ მოვამზადოთ გემრიელი ბლინები
ბლინები ყველასთვის საყვარელი კერძია, მის მომზადებას ნახევარი საათი სჭირდება და 5 წუთში უკვე ქრება მაგიდიდან, ხაჭოს ბლინები კი გაციებასაც ვერ ასწრებს, ისეთი გემრიელია.
ინგრედიენტები:
6 კვერცხი
500 მლ რძე
5 ს/კ. სახამებელი
300 გრ ხაჭო
2 ს/კ. მზესუმზირის ზეთი
150 გრ არაჟანი
შაქარი და ნაღები გემოვნებით
მომხადება:
ათქვიფეთ ჩანგლით ან ხელის მიქსერით 5 კვერცხი, დაამატეთ შაქარიც.
სწრაფი მორევით დაამატეთ სახამებელი და კარგად გახსენით კვერცხიან მასაში.
დაამატეთ რძე და ნაღები და ათქვიფეთ. მასა გამოდის თხევადი. იმისათვის, რომ ცომი იყოს ბლანტი, ცოტა ხანს უნდა დააყოვნოთ.
ბლინის ტაფას წაუსვით ცხიმი და დაიწყეთ გამოცხობა ცალ მხარეს.
როცა ბლინის ფირფიტები მზად იქნება, მოამზადეთ გულსართი: ხაჭოს დაამატეთ შაქარი გემოვნებით და ერთი კვერცხი.
მოათავსეთ კოვზით ფირფიტებზე გულსართი და დაახვიეთ მილისებურად.
ჩააწყეთ ჭურჭელში და წაუსვით არაჟანი.
შედგით ღუმელში 180 გრადუსზე 10 წუთით.
აი ასე სწრაფად შეგიძლიათ მოამზადოთ ბლინები ფქვილის გარეშე. გამოდის ნამდვილი ხაჭოს ღვეზელი. შეგიძლიათ მიირთვათ ნებისმიერ დროს, ის თქვენს ფიგურას არ დააზარალებს. მზადდება მარტივად და მისი არომატი მთელს სახლში ტრიალებს. თუ არ გაქვთ რძე, შეგიძლიათ მოამზადოთ წყალზეც.