მშრალი რძე არაჩვეულებრივი სტუმარია ჩვენს სამზარეულოში. მისგან მხოლოდ სასმელის მომზადება არ არის შესაძლებელი, მზადდება არაჩვეულებრივი დესერტები, რომლებიც სასარგებლოა და დიეტის დროსაც შეგიძლიათ მიირთვათ.
რძის ფხვნილის დესერტები
გირჩევთ შეიძინოთ უცხიმო რძის ფხვნილი, უნდა გაიხსნას თბილ წყალში. უცხიმო ფხვნილი უკეთესად იხსნება. შეგიძლიათ ჩვეულებრივი რძის ფხვნილის ნაცვლად შეიძინოთ ბრინჯის, ქოქოსის, თხის რძის ფხვნილები, რომლებსაც შეხვდებით მაღაზიებში.
მშრალი რძე ყავისთვის
ეს მშრალი მომზადებული ნარევი უფრო პრაქტიკულია, ვიდრე თხევადი, რადგან ის ინახება ბევრად უფრო დიდხანს, არ შეიცავს ქიმიკატებს და არბილებს თქვენს საყვარელ სასმელს.
თქვენ დაგჭირდებათ:
1 ჭიქა ფხვნილი შაქარი
4 ჭიქა რძის ფხვნილი
3 ს/კ. თხევადი ქოქოსის ზეთი
1 ს/კ. კაკაო ან ვანილის ფხვნილი სურვილისამებრ.
ყველა ინგრედიენტი აურიეთ, მოათავსეთ თავდახურულ ჭურჭელში და შეინახეთ ბნელ და მშრალ ადგილას.
შესქელებული რძე მშრალი რძისგან
თქვენ დაგჭირდებათ:
1 ჭიქა ფხვნილი რძე
4 ს/კ. ოთახის ტემპერატურის კარაქი
0.5 ჩ/კ. ვანილის ექსტრაქტი
მესამედი ჭიქა მდუღარე წყალი
150 გ შაქარი
ყველა ინგრედიენტი (გარდა რძის ფხვნილისა), მთლიანად ათქვიფეთ მიქსერით. დასასრულს, დაამატეთ მშრალი რძე და აურიეთ კიდევ ერთხელ საშუალო სიჩქარეზე. თქვენ შეგიძლიათ შეინახოთ ეს ნარევი მაცივარში არა უმეტეს ერთი კვირით.
ათქვეფილი ნაღები მშრალი რძით
თქვენ დაგჭირდებათ:
0.5 ჭიქა მშრალი რძე
0.5 ჭიქა ყინულიანი წყალი
რამდენიმე წვეთი ვანილის ექსტრაქტი
კომპონენტების რაოდენობა არის ინდივიდუალური და დამოკიდებულია იმაზე, თუ რამდენი პროდუქტი გჭირდებათ. მთავარია, შევინარჩუნოთ პროპორციები 1: 1.
დესერტის შესაქმნელად, შეურიეთ რძის ფხვნილი და წყალი მიქსერის მაქსიმალური სიჩქარის საშუალებით. როდესაც ფუმფულა ქაფი ჩამოყალიბდება, დაამატეთ ვანილის ექსტრაქტის წვეთები და გააგრძელეთ ნარევის თქვეფა, სანამ არ გახდება სქელი.
დიეტური ზეფირი
თქვენ დაგჭირდებათ:
1 კვერცხის ცილა
0.5 ს/კ. ჟელატინი
0.5 ჭიქა წყალი
1.5 ს/კ. უცხიმო რძის ფხვნილი
დამატკბობელი გემოვნებით
ვანილი გემოვნებით
მომზადება
დაალბეთ ჟელატინი ოთახის ტემპერატურის წყალში ნახევარი საათით, დადგით ცეცხლზე ადუღებამდე, დაამატეთ დამატკბობელი, ვანილი და აურიეთ.
ცალკე ათქვიფეთ ცილა გათეთრებამდე და შეურიეთ ჟელატინის ნარევს, ათქვიფეთ მიქსერით 2-3 წუთის განმავლობაში.
თეფშზე ან დაფაზე გაშალეთ პერგამენტის ქაღალდი, მოაყარეთ რძის ფხვნილი და გაშალეთ ზედ მასა, მიეცით ოთხკუთხედი ფორმა. ზემოდან დააცერით დარჩენილი რძის ფხვნილი და 2 საათით შედგით მაცივარში. გამოიღეთ და დაჭერით პატარა ნაჭრებად.
რძის ფხვნილის კანფეტები
შემადგენლობა
რძის ფხვნილი 250 გ
შაქარი 300-350 გ
კარაქი 100 გრ
წყალი 100 მლ
კაკაოს ფხვნილი 2-3 ს/კ.
კარდამონი ერთი მწიკვი.
მოამზადეთ სიროფი. შაქარი და წყალი ადუღეთ საშუალო ცეცხლზე 7-10 წუთის განმავლობაში.
გადმოდგით ცეცხლიდან, დაამატეთ კარაქი და აურიეთ.
პორციებით დაამატეთ რძის ფხვნილი, კარგად აურიეთ, რომ ფხვნილი არ დაიკოშტოს.
დაამატეთ კარდამონი ან ნებისმიერი სანელებელი: ვანილი ან დარიჩინი. შედგით მაცივარში 30-40 წუთით.
განსაზღვრული დროის გასვლის შემდეგ გამოიღეთ მაცივრიდან, გააკეთეთ სასურველი ფორმის და ზომის კანფეტები, ამოავლეთ კაკაოს ფხვნილში, ჩააწყთ კონტეინერში და შეინახეთ მაცივარში. შეგიძლიათ შეინახოთ 5 დღე.
შეგიძლიათ ზოგი კანფეტი ამოავლოთ ქოქოსის ფანტელში, მიიღებთ ასორტს.