ჩვენ შოკოლადის რულეტის ძალიან მაგარი რეცეპტი მოვამზადეთ. იმისათვის, რომ საკუთარი თავი და სტუმრები ასიამოვნოთ, ღუმელის ჩართვა საჭირო არ არის. დესერტი ასე მარტივად ჯერ არ მომზადებულა!
ინგრედიენტები
300 გრ ბისკვიტი
110 მლ რძე
50 გრ შავი შოკოლადი
100 გრ კარაქი
200 გრ მასკარპონე
150 გ შაქრის პუდრი
მომზადება
დაფხვენით შოკოლადის ბისკვიტი, დაასხით 80 მლ რძე, მდნარი შოკოლადი და კარგად მოურიეთ.
ღრმა თასში შეურიეთ დარბილებული კარაქი, მასკარპონე, 30 მლ რძე და შაქრის პუდრი. მოურიეთ ერთგვარი მასის მიღებამდე.
სამუშაო ზედაპირზე დააფინეთ საკვების ცელოფანი, მოათავსეთ ბისკვიტის მასა, დააფარეთ ცელოფანი და გასაბრტყელებლით შექმენით მართკუთხა ფორმა.
წაუსვით კრემი და ფრთხილად დაახვიეთ რულეტად. შედგით მაცივარში 5 საათით.
გამოიღეთ დესერტი მაცივრიდან, მოხსენით ცელოფანი და მორთეთ გემოვნების მიხედვით: შოკოლადის პასტით, ჯემით ან კენკრით. მოამზადეთ სიამოვნებით და გაუზიარეთ რეცეპტი მეგობრებს!