პოლონური ტორტი “პანი ვალესკა”- გემო, რომელსაც ვერ დაივიწყებთ!

by ekaterine

ადვილი მოსამზადებელი არ არის, მაგრამ ნამდვილად ღირს დროის დაკარგვა, გამოდის არაჩვეულებრივი.

ინგრედიენტები:

შაქარი 4 ჭიქა

კვერცხი 1 ც.

კარაქი 300 გ

თაფლი 2 ს/კ.

არაჟანი 2 ს/კ.

ხორბლის ფქვილი 2 ჭიქა

სოდა 1 ჩ/კ.

ლიმონის ცედრა 20 გ

კვერცხის ცილა  10 ცალი.

კვერცხის გული 10 ცალი.

რძე 1 ჭიქა

კაკალი 1 ჭიქა

ვანილი 10 გ

მომზადება

ჯერ მოვამზადოთ ცომი. 1 კვერცხი ავთქვიფოთ 1 ჭიქა შაქართან ერთად, დავამატოთ 100 გრამი კარაქი, თაფლი, არაჟანი, სოდა, ლიმონის ცედრა. დავამატოთ ფქვილი და ავურიოთ, უნდა გამოვიდეს სქელი ცომი.

საცხობ ფორმაში დააფინეთ ძირზე ცხიმწასმული ქაღალდი და წაუსვით ცომის მესამედი. სველი კოვის დახმარებით ლამაზად გაასწორეთ ზედაპირი და გამოაცხეთ 15 წუთის განმავლობაში 180 გრადუსზე. ასე გამოაცხეთ დანარჩენი ორი ფირფიტაც.

10 კვერცხის ცილა ავთქვიფოთ გათეთრებამდე, დავამატოთ 2 ჭიქა შაქარი და კარგად ავთქვიფოთ. ცხიმწასმულ ქაღალდზე , რომელიც ფორმაზეა გაშლილი, წავუსვათ ცილა და შევდგათ 150 გრადუსზე, 15 წუთის შემდეგ დავუწიოთ 100 გრადუსამდე და 1 საათით კიდევ გავაგრძელოთ ცხობა.

1 ჭიქა რძეში დაამატეთ 1 ჭიქა შაქარი და გააცხელეთ, არ უნდა ადუღდეს, დაამატეთ 10 კვერცხის გული, კარგად ურიეთ და ნელ ცეცხლზე წამოადუღეთ, ურიეთ სანამ არ შესქელდება.

გააციეთ კრემი და შეათქვიფეთ 200 გრამი კარაქი, ვანილი და ნიგოზის ნახევარი.

წაუსვით კრემი ერთ ფენას, დაადეთ ბეზე, შემდეგ კრემი, ისევ ფირფიტა… ზემოდან მოაყარეთ დაჭრილი ნიგოზი. გააციეთ მაცივარში და გემრიელად მიირთვით!

შეგიძლიათ შოკოლადის მინანქრით გაალამაზოთ, ან გახეხილი შოკოლადით.

Related Articles