გთავაზობთ კარტოფილის ზრაზებს ღუმელში, რომელიც შეგიძლიათ მოამზადოთ გუშინდელი დარჩენილი პიურესგან და ფარშისგან. საჭიროა მხოლოდ დრო გამონახოთ და შექმნათ ეს კულინარიული შედევრი.
ინგრედიენტები
700 გრ კარტოფილი
350 გრ ღორის ფარში
60 გრ კარაქი
200 გრ მაგარი ყველი
50 მლ რძე
50 გრ კამა
2 კვერცხი
1 ც ხახვი
2 კბ ნიორი
მარილი, პილპილი გემოვნებით
მომზადება
მოხარშეთ კარტოფილი, მოამზადეთ პიურე, დაუმატეთ 1 კვერცხის ცილა, კარაქი, რძე და სუნელები. მოურიეთ ერთგვარი მასის მიღებამდე.
ფარშში დაამატეთ წვრილად დაჭრილი ხახვი, გატარებული ნიორი, მარილი, პილპილი და 1 კვერცხი. კარგად მოურიეთ.
დაჭერით ყველი კუბიკებად, შეახვიეთ ყოველი ფარშის გუნდებში. ამოავლეთ ხორცის ბურთები პიურეში. საცხობ ფორმას წაუსვით კარაქი, მოათავსეთ ზრაზები. წაუსვით კვერცხის გული ან მოაყარეთ გახეხილი ყველი. შედგით 190 გრადუსამდე გახურებულ ღუმელში 40 წუთით.
მიირთვით ზრაზები არაჟანთან, ბერძნულ იოგურტთან ან ნაღების სოუსთან. ხორცის შიგთავსი შეგიძლიათ ჩაანაცვლოთ ქამა სოკოთი, კვერცხითა და მწვანილით ან ლორითა და ყველით. მოამზადეთ სიამოვნებით და გაუზიარეთ რეცეპტი მეგობრებს!