როგორ მოვამზადოთ ფაფა ისე, რომ არ დაკარგოს სასარგებლო თვისებები – ეს საიდუმლო გამოცდილმა მზარეულმა გაგვიმხილა.

by ekaterine

თუ რაციონში ფაფას დაამატებთ, მთელი ცხოვრება ჯანმრთელი სხეული გარანტირებული გაქვთ. მხოლოდ სწორად მომზადება უნდა იცოდეთ, რომ ბურღულმა სასიკეთო თვისებები არ დაკარგოს. ზოგიერთი 2 წუთში მზადდება, ზოგს მთელი ღამით წყალში ტოვებენ. გასწავლი თ, ყველაზე პოპულარული ფაფების მომზადების ხრიკებს.

ბრინჯის ფაფის მომზადება

იმისათვის, რომ ბრინჯის ფაფა გამოვიდეს გემრიელი და სასარგებლო, აადუღეთ 1 ლიტრი რძე, დაამატეთ გემოვნებით მარილი და შაქარი, ჩაყარეთ 1 ჭიქა გარეცხილი მრგვალი ბრინჯი, ადუღეთ 2-3 წუთი. გადმოდგით ცეცხლიდან და 30 წუთით შეფუთეთ თბილად. უგემრიელესი ბრინჯის ფაფა მზად არის.

 

წიწიბურას ფაფა

ერთ ჭიქა წიწიბურას ძილის წინ დაასხით წყალი და დატოვეთ მთელი ღამით. დილით გადაწურეთ წყალი, დაასხით 2 ჭიქა და აადუღეთ, დაამატეთ მარილი და კარაქი გემოვნებით. გადმოდგით ცეცხლიდან და 15 წუთით შეფუთეთ.

 

შვრიის ფაფა გემრიელი გამოვა, თუ მას საღამოს მოამზადებთ და საუზმეზე მიირთმევთ. 8 ს/კ. ბურღულს დაასხით 1 ლიტრი ადუღებული რძე. ადუღეთ 2-3 წუთი და დილამდე შეფუთეთ. დილით შეათბეთ, დაამატეთ მარილი და კარაქი და გემრიელად მიირთვით.

 

მანის ფაფა

შეცდომაა ის, რომ მანანის ბურღულს ყრიან ადუღებულ რძეში. 4 ა/კ. მანანის ბურღული გახსენით ერთ ლიტრ რძეში, ურიეთ და მიიყვანეთ ადუღებამდე. 2 წუთის შემდეგ, გადმოდგით ცეცხლიდან, დააფარეთ თავსახური და 20 წუთით დატოვეთ. ასე მომზადებული სასარგებლოც არის და გემრიელიც.

 

სიმინდის ფაფა

ეს ერთადერთი ბურღულია, რომელსაც დიდხანს ხარშვა სჭირდება. აუცილებლად ადუღებულ წყალში უნდა ჩაიყაროს. 1 ჭიქა სიმინდის ღერღილს დაასხით 2,5 ჭიქა ადუღებული წყალი და 30 წუთი დაბალ ცეცხლზე ხარშეთ. მისი მომზადება ღუმელშიც შეიძლება. დაასხით ადუღებული წყალი, დაამატეთ გემოვნებით მარილი, შაქარი, ქიშმიში და 180 გრადუსზე შედგით 40 წუთით.

 

ყველა დიასახლისს თავისი საიდუმლო მომზადების წესი აქვს. გაგვიზიარეთ კომენტარებში, თქვენ როგორ ამზადებთ ფაფებს.

Related Articles