კანტუჩი – ორჯერ გამომცხვარი ნამცხვარია, გარეგნულად ჩვენთვის ცნობილ ორცხობილებს ჰგავს. მაგრამ პირველი ლუკმიდანვე მიხვდებით განსხვავებას – რბილი ტექსტურის წყალობით, ის პირში დნება. იტალიაში კანტუჩის არამხოლოდ ყავასთან და ჩაისთან, არამედ, სადესერტო ღვინოსთანაც მიირთმევენ.
ინგრედიენტები
400 გრ ფქვილი
200 გრ შაქარი
3 კვერცხი
65 გრ კარაქი
1 ჩ.კ. გამაფხვიერებელი
1 მწიკვი მარილი
1 ჩ.კ. ვანილის შაქარი
150 გრ თხილი
60 გრ შოკოლადის წვეთები
მომზადება:
გამდნარ კარაქს შეურიეთ კვერცხი და შაქარი, ოდნავ ათქვიფეთ. დაუმატეთ გაცრილი ფქვილი, გამაფხვიერებელი, ვანილის შაქარი, შოკოლადის წვეთები და თხილი. კარგად მოზილეთ ცომი. ცოტათი წებოვანი გამოვა, მაგრამ ფქვილი არ დაუმატოთ, რადგან ტექსტურას და გემოს შეიცვლის.
დაყავით ცომი 3 ნაწილად. მიეცით “ძეხვების” ფორმა. საცხობ ფორმაზე დააფინეთ პერგამენტი, მოათავსეთ ცომი, შედგით 180 გრადუსამდე გახურებულ ღუმელში 25 წუთით.
ოდნავ გააციეთ, დაჭერით დიაგონალებად 1,5 სმ სისქეზე. მოათავსეთ საცხობ ფორმაზე ჭრილების მხრიდან და კიდევ 10 წუთის განმავლობაში გამოაცხეთ.
მზა კანტუჩი შეახვიეთ პირსახოცში და გააციეთ.
თუ ცომს 2 ს.კ. კაკაოს დაუმატებთ, შოკოლადის კანტუჩს მიიღებთ. სუნელების დამატებაც შეგიძლიათ: დარიჩინი, ჯანჯაფილი, მუსკატის თხილი. მზა ორცხობილები შესანიშნავად ინახება მინის ქილებში 3 თვემდე. მოამზადეთ სიამოვნებით, გაუზიარეთ რეცეპტი მეგობრებს!