ნაყინი “პლომბირი”- დაუვიწყარი გემო, რომელიც წარსულში გამოგზაურებთ!

ნაყინი რძით და ნაღებით.

 

შემადგენლობა

125 გრ რძე

100 გ შაქარი

5 გ ვანილი

300 გრამი ნაღები (33-35% ცხიმიანი)

3 კვერცხის გული

 

მომზადება:

სქელძირიან ქვაბში ჩაასხით რძე და აადუღეთ. დაუმატეთ შაქარი, ვანილი, გადმოდგით ცეცხლიდან და ბოლომდე გააციეთ.

კვერცხის გულები ათქვიფეთ და დაუმატეთ გაციებულ მასას, დადგით ცეცხლზე, ურიეთ მანამ, სანამ შედედებულ რძეს არ დაემსგავსება. გადმოდგით და გააგრილეთ.

ცალკე ათქვიფეთ ნაღები და ორივე მასა შეურიეთ ერთმანეთს კარგად. უკვე დროა შედგათ საყინულეში.

ერთი საათის შემდეგ გამოიღეთ, კარგად ათქვიფეთ და ისევ საყინულეში დააბრუნეთ.

 

ნაყინი ნაღებით.

 

შემადგენლობა

4 კვერცხის გული

200 მლ ნაღები (10% ცხიმი)

500 მლ ნაღები (35% ცხიმი)

1 ჭიქა შაქრის ფხვნილი

2 გ ვანილი

 

მომზადება:

კვერცხის გულები და შაქრის პუდრა გათეთრებამდე თქვიფეთ. ფრთხილად შეურიეთ 200 მლ ნაღები, კარგად აურიეთ, დაუმატეთ ვანილი.

ჩაასხით სქელძირიან ქვაბში და მიიყვანეთ ადუღებამდე, მაგრამ არ აადუღოთ, თან არ დაგავიწყდეთ გამუდმებით მორევა.

კვერცხიანი მასა გაწურეთ საცერში და შედგით საყინულეში, მაგრამ ბოლომდე არ გაყინოთ.

ათქვიფეთ 500 მლ ნაღები შესქელებამდე და შეურიეთ საყინულედან გამოღებულ მასას, კარგად რომ შეერევა ერთმანეთს, ისევ დააბრუნეთ ნაყინი საყინულეში და გაყინეთ კარგად. სურვილისამებრ, სანამ საყინულეში შედგავთ, დაუმატეთ თხილი, გახეხილი შოკოლადი ან ხილი. გემრიელად მიირთვით!