რატომ უნდა მივირთვათ მაინცდამაინც საუზმე და არა ყავა? სწორედაც იმიტომ, რომ საუზმე ჯანსაღი კვების, ჯანსაღი დღის წესრიგის საფუძველია, გიცავს წონაში მატების, ნაღველკენჭოვანი დაავადების განვითარებისგან, საჭირო ენერგიითაც გამარაგებს და სხვა თუ არაფერი, გემრიელიცაა. გემრიელად ჭამა კი, დამეთანხმები, ყველას უყვარს.
თუ უკვე მტკიცედ გადაწყვიტე, რომ ხვალიდან ყოველ დღე ისაუზმებ, ალბათ ნოყიერი საუზმის იდეებიც არ გაწყენს.
შემადგენლობა:
პური 12 ნაჭერი.
ხაჭო 250 გრ
რძე 100 მლ
კვერცხი 2 ც.
არაჟანი 2 ს/კ.
ნიორი 2 კბილი.
მზესუმზირის ზეთი 2 ს/კ.
წიწაკა 0.25 ჩ/კ.
მარილი გემოვნებით.
მომზადება:
ნებისმიერ ხაჭოში აურიეთ წიწაკა, ნიორი, მარილი.
დაუმატეთ არაჟანი. ეს მასა წაუსვით 6 ნაჭერ პურს. ყველა ნაჭერს დაადეთ ზემოდან თითო პურის ნაჭერი.
ათქვიფეთ კვერცხი და რძე. ამოავლეთ გამზადებული ხაჭოიანი პურები. შეწვით ორივე გვერდზე ზეთიან ტაფაზე.
შეინახეთ ჩვენი იდეა მომავლისთვის. შეიძლება გამოგადგეთ ის მომავალი საუზმისთვის.