8.1K
შემადგენლობა:
“პრიანიკი” 500 გრამი
ბანანი 5 ცალი
არაჟანი 500 გრამი
მომზადება:
დაჭერით თაფლიანი პრიანიკები ნაჭრებად. ნარჩენები დაფხვენით ხელით და შეინახეთ.
ღრმა ფორმაში დაალაგეთ ნაჭრები, მოასხით არაჟანი, ზემოდან დაალაგეთ მრგვლად დაჭრილი ტკბილი ბანანი ( თუ სიტკბო აკლია, დაამატეთ შაქარი ), შემდეგ პრიანიკის ნაჭრები, მოასხით არაჟანი და ისევ გაიმეორეთ.
ბოლოს აუცილებლად უნდა დასრულდეს არაჟნით.
გადააფარეთ საკვები ცელოფანი და მოათავსეთ მაცივარში მთელი ღამით.
დილით გამოიღეთ მაცივრიდან, გადმოატრიალეთ, წაუსვით არაჟანი და მოაყარეთ პრიანიკის ნაფხვენი. შეგიძლიათ გახეხილი შოკოლადიც მოაყაროთ.
გამოდის მაღალი, რბილი, გემრიელი ტორტი, რომელშიც არ არის შაქარი. ბანანი ითვლება ხელოვნურ დამატკბობელად. უპირატესობა ისიც აქვს, რომ გამოცხობა არ სჭირდება.