32.1K
ტორტი “დათუნია”
მასალად საჭიროა:
კვერცხი 4 ცალი
შაქრის ფხვნილი 2 ჩ/ჭ
არაჟანი 200 გ.
ფქვილი 5 ჩ/ჭ
კარაქი 200 გ.
ნიგოზი 2 ჩ/ჭ
სოდა-ძმრით 1 ჩ/კ
მომზადება:
ავთქვიფოთ 4 კვერცხის გული, დავამატოთ გამდნარი და შეგრილებული კარაქი, 1 ჭიქა შაქრის ფხვნილი,არაჟანი, ფქვილი და მოვზილოთ ცომი. გავყოთ სამ ნაწილად.
კარაქწასმულ გრილ ტაფაზე გავათხელოთ ერთი ნაწილი, წავუსვათ ბეზე შერეული ნიგოზით( 1 ჭიქა შაქრის ფხვნილი, 4 კვერცხის ცილა, 2 ჭიქა დაფქვილი ნიგოზი), დავადოთ მეორე ნაწილი და კიდევ წავუსვათ ბეზე, შემდეგ მესამე ნაწილი და გამოვაცხოთ საშუალო ცეცხლზე.
გამომცხვარ ტორტს ზემოდან მოვასხათ შოკოლადის მინანქარი: 100 გ. კარაქი, 4 ს/კ. წყალი, 4 ს/კ შაქრის ფხვნილი და 4 ს/კ. კაკაო ვადუღოთ 3-4 წუთი, შევაგრილოთ და მოვასხათ.