საღამო ვერ წარმომიდგენია ჩემი საყვარელი სერიალის გარეშე, ხოლო სერიალის ყურება წარმოუდგენელია რაიმე გემრიელის გარეშე. თქვენც თუ ჩემსავით ფიქრობთ,სწორედ თქვენთვისაა კეფირზე მომზადებული ყველიანი ჩხირები.
მათი მომზადება უფრო მარტივია, ვიდრე ბლინების შეწვა. მაგრამ ამ ჩხირებით ოჯახის გაოცებას აუცილებლად შეძლებთ!
შეწვის გარდა, ჩხირების გამოცხობაც შესაძლებელია, თუ გსურთ მინიმუმამდე დაიყვანოთ ზეთის გამოყენება. პროდუქტები დადეთ პერგამენტით დაფარულ საცხობ ფირფიტაზე ერთმანეთისგან მცირე მანძილზე. გამოაცხვეთ ღუმელში 180 გრადუსზე დაახლოებით 15 წუთის განმავლობაში, სანამ ოქროსფერი გახდება.
დაჭრილი და გაყინული ყველის ჩხირები შეიძლება შეინახოთ საყინულეში ერთ თვემდე. მოსახერხებელია წინასწარ მომზადება, შემდეგ კი დროდადრო სწრაფად შეწვით.
ინგრედიენტები
კეფირი 250 მლ
მარილი 1,5 ს/კ
შაქარი 1 ჩ/კ
კვერცხი 2 ც.
მყარი ყველი 100 გრ
ოხრახუში 10 გრ
ხორბლის ფქვილი 450 გრ
გამაფხვიერებელი 10 გრ
მომზადება
ღრმა თასში ავთქვიფოთ კეფირი კვერცხებთან ერთად. დაამატეთ მარილი და შაქარი, კვლავ აურიეთ. ყველი გახეხეთ მსხვილ სახეხზე და დაამატეთ თხევად ნარევს. დაუმატეთ ოხრახუში და ისევ აურიეთ.
ფქვილს შეურიეთ გამაფხვიერებელი და ჩაამატეთ თასში. მოზილეთ რბილი ცომი, დადეთ ფქვილმოყრილ ზედაპირზე და კარგად მოზილეთ. ამის შემდეგ გააბრტყელეთ ცომი 1 სმ სისქის ფენად.
პიცის საჭრელის ან ჩვეულებრივი დანის გამოყენებით, დაჭერით ერთნაირი სიგანის ზოლებად.
ცხელ ზეთში შეწვით ჩხირები ორივე მხრიდან.
მზა ჩხირები დადეთ ქაღალდის ხელსახოცით დაფარულ თეფშზე, რომ ზედმეტი ზეთი შეიწოვოს.
