მსგავსი ფუნთუშის რეცეპტი მრავალ ქვეყანაში არსებობს. განსაკუთრებით პოპულარულია გერმანიაში, ავსტრიაში, ბულგარეთში, პოლონეთსა და უნგრეთში. ზოგს ფხვიერი ცომი მოსწონს, ზოგს კი ფაფუკი და ჰაეროვანი.
გასწავლით, როგორ უნდა მოამზადოთ სახლის პირობებში ყველაზე გემრიელი და ჰაეროვანი ფუნთუშა, რომელსაც შეიგიძლიათ გემრიელი გულსართი გაუკეთოთ.
ფუნთუშა ბავშვების და უფროსების ერთ-ერთი საყვარელი სასუსნავია, ამიტომ დიასახლისებმა მისი გამოცხობა უნდა იცოდნენ.
ასეთი ფორმის ფუნთუშა ვნახე თურქი დიასახლისის სამზარეულოში. ის ისე მარტივად ახვევდა ცომს, რომ მაშინვე მინდოდა მეც მეცადა და როცა პირველად გამოვაცხე, ყველას აღტაცება გამოიწვია.
ფუნთუშა გულსართით
ინგრედიენტები
რძე 250 მლ
შაქარი 120 გრ
კვერცხი 1 ცალი
კარაქი 60 მლ
საფუარი 14 გრ
ხორბლის ფქვილი 500 გრ
კეფირი 100 მლ
კვერცხის გული 1 ც
კურკუმა 0,25 ჩ / კ
მარილი 0,25 ჩ / კ
მომზადება
ღრმა ჭურჭელში ჩაასხით თბილი რძე. იქ დაამატეთ შაქარი, საფუარი, მარილი და კვერცხი. გაცერით ნახევარი ფქვილი და აურიეთ. ჩაასხით გამდნარი კარაქი.
აურიეთ. დარჩენილი ფქვილი გაცერით და მოზილეთ ცომი. გადააფარეთ თასს და დატოვეთ თბილ ადგილას 1,5-2 საათით. ცომი რამდენჯერმე გაიზრდება ზომაში.
ცომი გაათხელეთ და 5 წუთი გააჩერეთ. ზემოდან მოაყარეთ ფქვილი.
გავაბრტყელოთ ოთხკუთხედი ფორმის ფირფიტა, რომლის სისქე უნდა იყოს დაახლოებით 5 მმ. დიდი მართკუთხედი რამდენიმე პატარა მართკუთხედად დაყავით (8-10 ცალი). ახლა გააკეთეთ ჭრილები, როგორც ფოტოზეა. გადაახვიეთ პატარა მართკუთხედი რულეტივით.
მოათავსეთ რულეტები საცხობ ფორმაში. დააფარეთ და გააჩერეთ ნახევარი საათის განმავლობაში. ამასობაში გამოიყენეთ ჩანგალი, რომ აურიოთ კეფირი, კურკუმა და კვერცხის გული. ჩაასხით ნარევი ცარიელ ადგილებში. გამოაცხეთ ფუნთუშები 170 გრადუსამდე გახურებულ ღუმელში 25-30 წუთის განმავლობაში. როგორც კი ზემოდან ოქროს, მბზინავი ქერქი გამოჩნდება, ცომეულის გამოღება ღუმელიდან შეიძლება.
თქვენ შეგიძლიათ ნებისმიერი პროდუქტით შეავსოთ ასეთი ფუნთუშები. მაგალითად, შევეცადე მომემზადებინა ტკბილეული შედედებული რძითა და ვაშლის მურაბით. მეგობარი იკვეხნიდა, რომ მან შოკოლადი შეაზავა ცომში. რეცეპტი მოგწონთ? მოუყევით თქვენს მეგობრებს ამის შესახებ!