ყველა დიასახლისს სურს დესერტის მომზადება, მაგრამ საამისოდ ან დრო არ აქვს ან ნებისყოფა, რომ ღუმელთან გაატაროს დრო. მაგრამ თუ გეტყვით, რომ მიკროტალღურ ღუმელში 10-15 წუთში გემრიელ დესერტს მოამზადებთ, იქნებ არც დაიზაროთ და თავადაც სცადოთ.
ამ ტორტის მომზადება მაშინაც შეგიძლიათ დაიწყოთ, როცა სტუმრები უკვე კარზე მოგადგნენ, თქვენ კი არაფერი არ გაქვთ ყავასთან ერთად მისატანი ან უბრალოდ გსურთ ახლობლები გემრიელი დესერტით გაახაროთ. როგორ გააკვირვებთ თქვენი ოჯახის წევრებს, როდესაც შაბათს დილით 10 წუთში ჩაის ტორტს მოამზადებთ? ჩაინიშნეთ რეცეპტი!
ინგრედიენტები
კვერცხი 2 ცალი.
ხორბლის ფქვილი 5 ს.კ.
კაკაოს ფხვნილი 1 ს.კ.
მარილი დანის წვერით
რძე 6 ს.კ.
მზესუმზირის ზეთი 2 ს.კ.
შაქარი 260 გ
სოდა 0.5 ჩაის კოვზი
ძმარი 1 ჩაის კოვზი
წყალი 150 მლ
არაჟანი 350 მლ
ნუში გემოვნებით
მომზადება
ათქვიფეთ კვერცხი, დაამატეთ 150 გრ შაქარი, მარილი, რძე და აურიეთ.
დააცერით ფქვილი და კაკაო, კარგად აურიეთ.
გააფუეთ სოდა ძმრით და მცენარეულ ზეთთან ერთად დაასხით სხვა ინგრედიენტებს, აურიეთ.
ჩაასხით მასა საშუალო ფორმაში და შედგით მიკროტალღურ ღუმელში, დაახლოებით 3-5 წუთის განმავლობაში, მაღალ ტემპერატურაზე. დატოვეთ ნამცხვარი მიკროტალღურ ღუმელში მომზადების მერე კიდევ 10 წუთის განმავლობაში.
კრემის მოსამზადებლად, არაჟანი 60 გ შაქართან ერთად ათქვიფეთ.
ახლა მოვამზადოთ სიროფი, რომლითაც ჩვენ ტორტს დავნამავთ. აურიეთ წყალი დარჩენილ შაქართან ერთად. გაჭერით ბისკვიტი სიგანეზე ორ ნაწილად, ქვედა ნაწილი ჯერ სიროფით და შემდეგ კრემით გაჟღინთეთ.
დააფარეთ მეორე ნაწილი. ტორტს თავზე და გვერდებზე კრემი წაუსვით. ზემოდან მოაყარეთ დაჭრილი კაკალი.
ასეთი ტორტისთვის კრემის მოსამზადებლად შეგიძლიათ გამოიყენოთ ხაჭო, მასკარპონე, იოგურტი ან რაიმე თქვენი გემოვნებით. კრემში შემავალი შაქარი ადვილად იცვლება შაქრის პუდრით და თქვენ ნამდვილად შეგიძლიათ დაამშვენოთ ტორტი საინტერესოდ. ექსპერიმენტი გამოიყენეთ სხვა თხილეულის, კენკრის, ხილის ნაჭრების, გახეხილი შოკოლადის ან სხვა რამის გამოყენებით.