აღდგომამ, როგორც სხვა საეკლესიო დღესასწაულებმა ხალხში მრავალრიცხოვანი კულინარიული ტრადიციები შეიძინა. აღდგომის ერთ-ერთი მთავარი კერძია პასკა. ამ კერძის რეცეპტს მრავალი ვარიანტი და მომზადების ხერხი გააჩნია.
ხაჭოს პასკა იმით არის კარგი, რომ თითოეულ დიასახლისს დამატებითი ინგრიდიენტების არჩევისას თავისი კულინარიული ფანტაზიის სივრცე გააჩნია, ასევე მისი მომზადება მარტივია.
მოამზადეთ უგემრიელესი ხაჭოს პასკა აღდგომის ბრწყინვალე დღესასწაულის ტკბილად შესახვედრად.
ხაჭო უნდა იყოს ახალი და 5-9 %-იანი, არაჟანი 15 %-იანი და უნდა ჰქონდეს მომჟავო გემო, სურვილისამებრ შეგიძლიათ დაამატოთ სანელებლები და ცუკატები.
შემადგენლობა
ხაჭო 800 გ
კვერცხის გული 4 ც.
შაქარი 180 გრ
არაჟანი 200 მლ
ნუშის გული 50 გრ
ქიშმიში 50 გრ
კარაქი 150 გ
ვანილის შაქარი 10 გ
ლიმონი 1 ც.
მომზადება
ხაჭო გახეხეთ, რომ ერთგვაროვანი მასა გახდეს.
კვერცხის გული ათქვიფეთ შაქართან და ვანილთან ერთად. როცა გათეთრდება, დაამატეთ არაჟანი.
ათქვეფილ მასას დაამატეთ გახეხილი ხაჭო და დარბილებული კარაქი, ათქვიფეთ კრემის კონსისტენციის მიღებამდე.
ჭურჭელი დადგით ორთქლის აბაზანაზე, პირველი 10 წუთი ხაჭო იწყებს გათხელებას, შემდეგ თანდათან გასქელდება. მასამ არ უნდა იდუღოს, დაახლოებით 30 წუთის შემდეგ გადმოდგით ორთქლიდან.
ორთქლიდან გადმოდგმისთანავე ჩადგით ცივ წყალში, რომ მასა გაცივდეს, თან ურიეთ. წყალი პერიოდულად შეცვალეთ.
გაციებულ ცომს შეურიეთ ქიშმიში, ნუში, ლიმონის ცედრა.
საცერში მოათავდეთ რამოდენიმე ფენა მარლა, შემდეგ პასკის მასა, გადმოკეცეთ მარლის კიდეები მასის ზედაპირზე და დაადეთ სიმძიმე. ჩადგით საცერი ჭურჭელში, რომ სითხე ძირს არ დაიღვაროს და 12 საათის განმავლობაში მოათავსეთ მაცივარში.
მეორე დღეს მოხსენით სიმძიმე, გადმოიღეთ პასკა სინზე და მორთეთ ცუკატებით და ქიშმიშით.