ვგიჟდები ამ გასტრონოიულ კომბინაციებზე.

არსებობს ლამაზი ლეგენდა ყველასთვის საყვარელი შარლოტის შექმნის შესახებ. სავარაუდოდ, ძალიან დიდი ხნის წინ, ერთი ახალგაზრდა მცხობელი ცალმხრივად იყო შეყვარებული ლამაზ გოგონაზე. მისი გულის მოსაგებად მან გამოაცხო მარტივი, მაგრამ ფუმფულა ვაშლის ღვეზელი. თქვენ წარმოიდგინეთ, გოგონას სახელი შარლოტა იყო. მაგრამ ქლიავის შარლოტა, რომელზეც დღეს ვისაუბრებთ, მხოლოდ მისი შორეული ნათესავია.

ტრადიციული შარლოტის მომზადება არც ისე ადვილია. ცილას თქვიფებენ როგორც ბეზე და მხოლოდ ამის შემდეგ ურევენ გულებს. ჩვენი ვერსია ბევრად უფრო მარტივია, მაგრამ არანაკლებ დახვეწილი! კვერცხს ემატება იოგურტი, რაც ნამცხვარს უფრო ნაზს ხდის, თან არც ისე ცხიმიანი.

“შარლოტა ქლიავით”

ინგრედიენტები

კვერცხი 2 ცალი

იოგურტი 150 გრ

შაქარი 150 გრ

მზესუმზირის ზეთი 60 მლ

გამაფხვიერებელი 10 გრ

ქლიავი 10 ცალი

ხორბლის ფქვილი 240 გრ

ვანილის შაქარი 10 გრ

მომზადება

ათქვიფეთ კვერცხები კარაქით, იოგურტით, ვანილით და შაქრით, სანამ გლუვი გახდება.

შეურიეთ ფქვილი და გამაფხვიერებელი, დაამატეთ კვერცხის ნარევს და მოზილეთ ცომი, მოაცილეთ კურკა ქლიავს და დაჭერით ხილი ნაჭრებად.

შემდეგ შეურიეთ ცომს, ზემოდან მორთეთ ქლიავით და გამოაცხვეთ ღვეზელი ღუმელში 40 წუთის განმავლობაში 180 გრადუსზე.

შარლოტას მსგავს ღვეზელებს მიირთმევენ ნაღებთან,ნაყინთან ან რამდენიმე სუფრის კოვზ ცხიმიან არაჟანთან ერთად. ნამდვილად მოგეწონებათ ეს გასტრონომიული კომბინაცია!