ვაშლის ძმარი
1 კგ. ვაშლი, 1.ს/კ. შაქარი, 1 /კ. თაფლი, 200 გრ. წყალი, 200 გრ. რუხი პური. ვაშლი გარეცხეთ, გაატარეთ ხორცსაკეპ მანქანაში. შუშის ქილაში ჩაყარეთ გატარებული ვაშლი დაუმატეთ 1.ს/კ. შაქარი 1 ს/კ. თაფლი დაასხით 200 გრ. წყალი გააჩერეთ 30 წუთი, მოურიეთ და ჩაუმატეთ 200 გრ. შავი პურის ნაჭერი.
თავზე ქილას მოუკარით მარლა და დადგით ბნელ ადგილას 3 კვირა შიგადაშიგ მოურიეთ. 3 კვირის მერე გადაწურეთ ფაფისაგან და სუფთა წვენი ჩაასხით შუშის ბოთლში, მოუკარით მარლა და დადგით ბნელ და თბილ ადგილას უკვე 2-3 თვე, მორევა არ უნდა. ძმარი თავზე მოიგდებს სქელ აპკს. ძმარი მზად არის
ვაშლის ძმარი
.მაღალი ხარისხის ვაშლის ძმრის მოსამზადებლად საჭიროა 5 კგ.მწიფე, მომჟავო ვაშლი. გარეცხეთ, მოაცილეთ დაზიანებული ნაწილები, გახეხეთ მსხვილ სახეხზე ან გაწურეთ წვენსაწურში. წვენი ან ვაშლის ნარჩენები მოათავსეთ მინის ან მომინანქრებულ, ფართოყელიან ჭურჭელში. დაასხით 5 ლ. თბილი ანადუღარი წყალი. დაამატეთ 500 გრ. შაქარი ან თაფლი. ასევე 50 გრ. პურის საფუარი და 100 გრ. შავი პური – დუღილის დასაჩქარებლად. ჭურჭელს დააფარეთ დოლბანდი და დატოვეთ ოთახის ტემპერატურაზე. სიბნელე საჭირო არ არის.
ასე უნდა იდგეს 10 დღის განმავლობაში. დღეში რამდენჯერმე მოურიეთ ხის კოვზით. 10 დღის შემდეგ მასა გაწურეთ ორმაგ დოლბანდში ორჯერ და მიღებულ სითხეს ყოველ ლიტრაზე დაუმატეთ 50- 100 გრ. თაფლი ან შაქარი. ურიეთ სრულ გახსნამდე. დუღილის პროცესის დასასრულებლად დოლბანდით თავმოკრული ქილა დადგით სითბოში. როდესაც სითხე დაიწმინდება, ეს ნიშნავს იმას, რომ ძმარი მზად არის.
ყველა პროცესის გავლას ესაჭიროება 30-40 დღე. მზა ვაშლის ძმარი კვლავ გაფილტრეთ დოლბანდის მეშვეობით და ჩაასხით მინის ბოთლებში. ბოთლები გაავსეთ ბოლომდე, ჰერმეტულად დააფარეთ საცობი და შეინახეთ გრილ ადგილას.
სასარგებლო თვისებები
ყველა მისი შემადგენელი კომპონენტი არაჩვეულებრივად მოქმედებს ადამიანის ორგანიზმზე — წმენდს შლაკებისგან და იცავს გარემოს უარყოფითი ზემოქმედებისაგან. ის აგროვებს და ინახავს ენერგიას ორგანიზმში, რომელიც საჭიროების შემთხვევაში შეიძლება გამოყენებულ იქნას. მაგრამ ამით არ მთავრდება ვაშლის ძმრის თვისებები.
ის ანტისეპტიკური და ანთების საწინააღმდეგო საშუალებაცაა, გამოიყენება კანის,
ინფექციური დაავადებების, მოწამვლის დროს.
ზედმეტი წონის მოსაცილებლად: 2 ჩაის კოვზ ვაშლის ძმარს დაასხით 1 ჩაის ჭიქა წყალი. დალიეთ საუზმის, სადილისა და ვახშმის წინ. იგი შლის ცხიმებს და აქვეითებს მადას. ნარევი დაამზადეთ ყოველდღიურად. სრული კურსი 60 დღეა.
ის თამამად გამოიყენება კოსმეტოლოგიაში. ძმრის ხსნარით სახის გაწმენდა კარგ ეფექტს იძლევა როგორც მშრალი, ასევე ცხიმიანი და პრობლემური კანისათვის (კანი რბილი და ნაზი ხდება).
აკნეს დროს: ყოველ დილა-საღამოს პირის დაბანის შემდეგ ბამბის ტამპონი დაასველეთ ვაშლის ძმარში და სახე გაიწმინდეთ. გამონაყარი მალე გაივლის.
ვიტამინების სასმელის შესანიშნავი რეცეპტი არსებობს. ამისთვის 1 ჭიქა თბილ წყალში 1 ს/კ თაფლი და 1 ს/კ ვაშლის ძმარი უნდა გახსნათ და ყოველ დილით უზმოზე უნდა დალიოთ – ეს ვიტამინების წყაროა.
მის შემადგენლობაში შედის მაღალი კვებითი ღირებულების და ბიოლოგიურად აქტიური ნივთიერებები, მინერალები, ვიტამინები, რომლებიც ასრულებენ შესაბამის ფუნქციას ორგანიზმში.