მსუბუქად დამარილებული პომიდორი.

 

 

ინგრედიენტების საჭირო რაოდენობა:

პომიდორი – 1 კგ.

ნიორი – 1 თავი.

კამა და ოხრახუში – თითო თითო ღერი.

წყალი – 1 ლიტრი.

მარილი – 2 ს/კ.

შაქარი – 1 ს/კ.

 

 

მომზადების მეთოდი

იმისათვის, რომ ჩვენი პომიდორი ძალიან გემრიელი იყოს, აუცილებელია დაიცვათ რამდენიმე ძირითადი წესი.

პირველი: პომიდორი არ უნდა იყოს დიდი და ზედმეტად გადამწიფებული, დიამეტრით არაუმეტეს 6 სანტიმეტრი.

მეორე: რამოდენიმე ნაჩხვლეტი კეთდება ღეროების მახლობლად თითოეულ პომიდორზე ნემსით ან კბილის ჩხირის საშუალებით.

 

 

პომიდორი უნდა გაირეცხოს, ჩალაგდეს ქილებში. მარილი და შაქარი გახსენით გრილ წყალში და ისე დაასხით ქილებში ჩაწყობილ პომიდორს.

 

 

ნივრის კბილი გაყავით ორად და ზემოდან დააყარეთ, ასევე დაჭერით მწვანილი და ისიც დაადეთ.

 

 

თითოეულ ქილას დააფარეთ თეფში და დატოვეთ 24 საათის განმავლობაში. გასინჯეთ, თუ გემო ნორმალური აქვს, შეგიძლიათ მიირთვათ, თუ მარილი არ აქვს მიღებული, კიდევ ერთ დღეს დატოვეთ. თუ ზამთრისთვის შენახვას გადაწყვეტთ, მოხუფეთ და შეინახეთ გრილ და ბნელ ადგილას.

 

მარილიანი პომიდორი ნივრით შესანიშნავი საჭმელი იქნება როგორც ზაფხულში, ასევე ზამთარში. მსუბუქად დამარილებული პომიდვრის მომზადებას დიდი დრო არ სჭირდება, მზადდება არა უმეტეს 20-30 წუთის განმავლობაში. მარილის აღების ხანგრძლივობაა 24-48 საათი. მესამე დღეს მათი უსაფრთხო მოხმარება შეიძლება.