ყველა, ვინც ამ კერძს მიირთმევს, დარწმუნებული იქნება, რომ ნამდვილად სოკოს სალათია. ყველაზე გამოცდილ დეგუსტატორსაც კი თავსატეხს გაუჩენს. სინამდვილეში მთავარი ინგრედიენტი აქ ბადრიჯანია. გასაკვირია, თუმცა ერთ-ერთი ყველაზე ჩვეულებრივი პროდუქტით ნაზი და უჩვეულო სალათა გამოდის. ეს ხომ იმის დამადასტურებელია, რომ კულინარია – ხელოვნებაა?
ბადრიჯნის სალათი ხახვით
შემადგენლობა
3 საშუალო ზომის ბადრიჯანი
3 კვერცხი
2 საშუალო ხახვი
3 ს/კ. მაიონეზი
შაქარი, მარილი და პილპილი გემოვნებით
ინგრედიენტები მარინადისთვის
1 ჩ/კ. შაქარი
0.5 ჩ/კ. მარილი
3 ს/კ. ძმარი (9 პროცენტიანი)
70 მლ წყალი
მომზადება
კვერცხი მოხარშეთ, გაციეთ და დაჭერით.
ბადრიჯანი გარეცხეთ, წვრილ ნაჭრებად დაჭერით. მარილი მოაყარეთ და ნახევარი საათით გააჩერეთ, რომ სიმწარე გამოუვიდეს.
ხახვი დაამარინადეთ. ამისთვის ორივე ხახვი სქელ ნახევარ რგოლებად ნაჭრებად დაჭერით და მარინადის ინგრედიენტები (მდუღარე წყალი, შაქარი, მარილი, ძმარი) დაუმატეთ. კარგად აურიეთ და 15 წუთით გააჩერეთ.
ტაფა გააცხელეთ, ჩაასხით ზეთი და ბადრიჯანი შეწვით, ამისათვის 6-8 წუთი დაგჭირდებათ, მეტი არა. ბადრიჯანს რომ ზედმეტი ცხიმი მოაშოროთ, ტაფიდან პირდაპირ ქაღალდის ხელსახოცზე გადმოიტანეთ.
ბადრიჯანი მოათავსეთ სასალათეში, დაუმატეთ დაჭრილი კვერცხი და დამარინებული ხახვი. მარილი მოაყარეთ და მაიონეზი მოასხით, ყველა ინგრედიენტი კარგად აურიეთ და სალათი ნახევარი საათით მაცივარში გააჩერეთ.
სალათი მზადაა. გემრიელად მიირთვით და გაოცდებით მისი “სოკოს” გემოთი.
დარწმუნდებით, რომ არაჩვეულებრივი სალათია. ვისაც ბადრიჯანი არ უყვარს, მასაც ძალიან მოეწონება და არც კი დაიჯერებს, რომ ის ნამდვილად ამ იისფერი ბოსტნეულითაა მომზადებული.